UZ

Сўнгги янгиликлар

22:51"Бешиктош" Жотани таркибига қўшиб олди  0 22:32Миржалол Қосимов: "Пароканда ўйин намойиш қилдик"  1 22:16Иван Бошкович: "Биринчи бўлимда футболдаги барча жабҳа бўйича рақибдан устун келдик"  4 21:46Люпчо Дориев: "Керакли вақтда голлар урдик"  3 21:27Суперлига. "Навбаҳор" – "Сурхон" ўйинида ҳисоб очилмади  32 21:13Тарихда шу кун. Қосимов "Ливерпуль"ни доғда қолдирганига 30 йил бўлди  4 20:57Мартинелли "Арсенал"даги рақобат ҳақида гапирди  0 20:26Суперлига. "Сўғдиёна" ОКМКга 4 та гол урган оқшомда Бошкович илк бор Қосимовни мағлуб этди  45 19:50Моуриньюга АПЛдан янги вариант пайдо бўлди  3 19:19Баллак Чемпионлар Лигасининг жорий мавсумдаги асосий фаворитларини айтди  6 18:49Тармоқларда ЖЧ-2026 тўпининг суратлари айланмоқда  0 18:16"Андижон"нинг бўлажак рақиби ишончли ғалабага эришди  3 17:50Гвардиола: "3 нафар футболчимиз МЮга қарши аниқ ўйнолмайди. Стоунзнинг майдонга тушиши сўроқ остида. Қолганлар ўйинга тайёр"  5 17:07Руслан Жиянов: "Ота-онам ва тоғам Олимпиада ва ЖЧ йўлланмасини қўлга киритадиган терма жамоа сафида ўйнаш насиб этсин, деб дуо қилишарди"  14 16:40АПЛда август ойининг энг яхши мураббийи аниқланди  1

Санжар Қувватов: "Мавсумга тайёргарлик аъло даражада бўлди" Янгиликлар

Санжар Қувватов: "Мавсумга тайёргарлик аъло даражада бўлди"

Дарвозабон ярим жамоа. Бир неча йиллардан бери "Машъал"нинг асосий фигураларидан бири бўлиб келаётган Санжар Қувватовдан жамоа мухлисларининг бу йилги мавсумда умиди катта.
Буни айни пайтда Санжарнинг ўзи ҳам яхши тушуниб турибди. "Машъал"нинг тайёргарлиги ва чемпионатда ўз олдига қўйган мақсадларини билиш мақсадида Қувватовни суҳбатга тортдик.

- Жорий мавсум яна олий лигада ўйнаймиз. Шу боис тайёргарлик ҳам шунга монанд олиб борилди. Йиғинга эртароқ киришгандик. Шу кунгача икки маҳалдан машғулот ўтказиш билан бир қаторда кўплаб синов-назорат баҳсларида иштирок этдик", - дея гап бошлади Санжар Қувватов.  Чемпионат стартига ҳам оз муддат қолгани туфайли энди кунига бир маҳалдан енгил машғулотлар ўтказилмоқда. Бир сўз билан айтганда жорий мавсумга тайёргарлик аъло даражада ўтказилди. Шу боис мавсумга тайёрмиз дея оламан.

- Ўтган йили "Машъал" сафида биринчи лигада ўйнагандим. Бу мавсум эса яна олий лигада. Лигалар ўртасида катта фарқ бор. Элитада осон ўйинлар бўлмайди. Лекин жорий мавсум олий лигада мен учун биринчи йил эмас. Ўзингизга яхши маълум илгари ҳам олий лига ўйинларида иштирок этганман. Мақсадим бу йил яна олий лигада ўзимни ижобий томондан кўрсатиш. Шунингдек ишончли ўйинларим орқали яна терма жамоадан чақирув олиш. Бунинг учун астойдил тер тўкмоқдаман.

- Дарвозабон Ботир Носировнинг таклиф этилиши  менимча яхши бўлди. Чунки жамоада ўзаро рақобат бўлиши керак. Шундагина ўсишга эришиш мумкин. Носировнинг маҳорати катта. Дарвозани ким қўриқлашини бош мураббий ҳал этади.

- Олий лига йўлланмасини қўлга киритганимиздан кейин таркибда у қадар кескин ўзгаришлар қилинмади. Асосий таркиб ўзаги сақлаб қолинган холда, бир нечта тажрибали ўйинчилар жалб этилди. Бугунги кунга келиб барча футболчилар бир-бирлари билан тушуниб, чиқишиб кета олишмоқда. Бу борада муаммо йўқ. Ўйин жиҳатидан ҳам тушунмовчиликлар бўлмаяпти. Мазкур жараён ўйиндан-ўйинга яхшиланиб бораверади деб ўйлайман.

- "Машъал" бу йил кучли бешликка кириш учун курашади. Бунинг учун бизда барча имкониятлар бор. Таркиб жиҳатдан ҳам олиб қарайдиган бўлсак, бунга қодирмиз. Ҳаттоки ҳозирги футболчилар билан кучли учликка ҳам кирсак бўлади. Бу нарса кўпинча ўзимизга боғлиқ.

- Чемпионат тақвимига кўра, биринчи турни сафарда "Сўғдиёна"га қарши ўтказамиз. Илк учрашув ҳар доим қийин бўлган. Лекин шунга қарамай Жиззахдан уч очко билан қайтишни ўйлаб турибмиз. Буни уддаласа бўлади.

Исломбек РУСТАМБЕКОВ суҳбатлашди.
Рейтинг:    

Фикрлар

championat.asia
< сўнгги янгиликларни кўриш
Яндекс.Метрика