Роналду МЮда кимни ҳақиқий профессионал деб билади?
17 ноя 2022 10:49
Янгиликлар

Роналду МЮда кимни ҳақиқий профессионал деб билади?

Португалиялик юлдуз Криштиану Роналду "Манчестер Юнайтед" футболчилари орасида профессионаллиги билан ажралиб турадиган футболчи ҳақида гапирди.

Роналду у қадрлайдиган фидойилик ва ўз касбининг устаси қандай бўлиши борасида саволга қўйидагича жавоб берди:

"Мен фақат "Манчестер Юнайтед"да кўрганларимни айтишим мумкин. Диогу Далот – ҳақиқий намуна, у ёш, ақлли ва профессионал. Унинг футболда муваффақият қозонишига шубҳам йўқ. Яна бир неча йигитлар ҳам бор – Мартинес, Каземиро, гарчи у 30 ёшдан ошган бўлса-да. Мен Далотни бу борада энг яхши, деб айтган бўлардим".

23 ёшли Далот 2018 йилдан буён "қизил иблислар" таркибида тўп тепади. 2020/21 йилги мавсумни "Милан"да ижара асосида ўтказди. Эслатиб ўтамиз, у Роналду билан бирга яқинда старт оладиган Қатардаги ЖЧ-2022да Португалия терма жамоаси сафида ўйнайди.

Ҳавола :

Манба : Championat.com

Янгиликларни Телеграмда ўқинг!

Рейтинг: +15