"Реал" сўнгги 4 ўйиннинг 3 тасида мағлуб бўлди
30 янв 2021 23:31
Янгиликлар

"Реал" сўнгги 4 ўйиннинг 3 тасида мағлуб бўлди

Мадриднинг "Реал" клуби Ла Лиганинг 21-турида "Леванте"га мағлуб бўлди (1:2).

9-дақиқада Эдер Милитао майдондан четлатилгани туфайли "қаймоқранглилар" ўйин якунига қадар 10 киши бўлиб ўйнашди.

Шу тариқа Мадрид клуби барча мусобақалар доирасидаги сўнгги 4 ўйиндан 3 тасида мағлуб бўлди. Зинедин Зидан жамоаси бунга қадар 14 январь куни Испания Суперкубогининг 1/2 финалида "Атлетик Бильбао"га (1:2), 20 январь куни мамлакат кубогида "Алькояно"га (1:2) имкониятни бой берган эди.

Маълумот учун, "Реал" Испания чемпионатининг кейинги турида "Уэска" билан ўйнайди. Айни пайтда "қироллик клуби" Ла Лига турнир жадвалида 2-ўринни эгаллаб турибди.

Ҳавола :

Манба : championat.asia

Янгиликларни Телеграмда ўқинг!

Рейтинг: +9