Расман: "Олтин бутса"нинг жорий мавсумдаги ғолиби маълум бўлди
25 май 02:07
Янгиликлар

Расман: "Олтин бутса"нинг жорий мавсумдаги ғолиби маълум бўлди

Франция чемпионатининг сўнгги турида амалдаги чампион ПСЖ мехмонда «Реймс»га имкониятни бой берди.

Учрашувда парижликлар форварди Килиан Мбаппе рақиб давозасига бир марта йўл топа олди. Франциялик футболчи мусобақадаги голлари сонини 33тага етказиб, «Олтин бутса» учун курашни бой берди. Шу тариқа, 2018/19 йилги мавсумнинг энг яхши тўпурари «Барселона» сардори Лионель Месси бўлди. У ЛаЛиганинг 34 учрашувида қатнашиб, 36 бора гол уришга эришганди.

Қайд этиш жоизки, 31 ёшли футболчи мазкур совринни 6 маротаба қўлга киритадиган бўлди. Месси 2010, 2012, 2013, 2017, 2018-йилларда ҳам «Олтин бутса»га эгалик қилганди.