Рамос: “Қачон истасак, “Реал”нинг энг яхши ўйинини намойиш эта оламиз”
20 янв 2019 08:05
Янгиликлар

Рамос: “Қачон истасак, “Реал”нинг энг яхши ўйинини намойиш эта оламиз”

“Реал” сардори Серхио Рамос Ла Лиганинг 20-турида “Севилья” устидан (2:0) қозонилган ғалабадан кейин ўйин ҳақидаги фикрлари билан ўртоқлашди.

“Бизга шундай ўйин лозим эди. Биз майдонда барча жабҳада устунлик қилдик. Ўз имкониятларимиздан фойдалана олдик, бундан хурсандмиз. Ўйин “Реал”нинг йирикроқ ғалабаси билан ҳам якунланиши мумкин эди.

Мухлислар кўз ўнгида ишончли ғалабани сақлаб қолишга уриндик. Биз илк дақиқаларданоқ рақибга босим уюштирдик ва муносиб тақдирландик. Бу биз учун муҳим эди, чунки футболда ҳар доим ҳам рақибдан устунлик қилсангда, ғалабага эриша олмайсан. Қачон истасак, ўшанда “Реал”нинг энг яхши ўйинини намойиш эта оламиз.

Мухлислар билан битта қайиқда бўлишимиз лозим. Уларга бугунги ўйинимиз ёққанлиги кўриниб турганди”, дея Рамоснинг сўзларидан иқтибос келтирмоқда Marca.

Ҳавола :

Манба : Marca

Янгиликларни Телеграмда ўқинг!

Рейтинг: +2