"Милан" ҳужумчиси Рафаэль Леау жамоадаги келажаги ҳақида ўз фикрини айтди.
"Менинг келажагим "Милан"да. Шартномам бор. Жуда қийин вазиятга тушиб қолганимда "Милан" менга ёрдам берган ва қўллаб-қувватлаган. Буни унутмайман ва содиқман. Бу ерга болалигимда келганман, шахс ва футболчи сифатида ўсганман. Яна ғалаба қозонишни хоҳлайман", – деди Леау.
У жамоа билан муҳим совринларни қўлга киритиш ва ўз номини "Милан" тарихида қолдириш ниятида эканини таъкидлади.
Леау жорий мавсум барча мусобақаларда 33 та учрашувда майдонга тушиб, 9 та гол ва 8 та голли узатмага муаллифлик қилди.
