Журналист Жанлука Ди Марцио маълумотига кўра, "россонерилар" 25 ёшли испаниялик футболчи ва унинг агенти билан шахсий шартлар бўйича тўлиқ келишувга эришган. Хила "Милан" билан 5 йиллик шартнома имзолашга розилик берган. Унинг йиллик маоши 5 миллион еврони ташкил этади.
Клублар ўртасидаги музокаралар якуний босқичга етган. "Лацио" ҳимоячи учун 25 миллион евро ва қўшимча 5 миллион евро бонус талаб қилмоқда. Трансфер душанба ёки сешанба куни расман якунланиши кутилмоқда.
Марио Хила 2022 йилда "Реал Мадрид"дан "Лацио"га ўтган ва ўтган мавсум А Серияда 31 та учрашувда майдонга тушиб, ҳимоя чизиғининг асосий футболчиларидан бирига айланган.
