ПСЖ 60 миллион еврога сотиб олган ярим ҳимоячи фаолиятини МЮда давом эттирмоқчи
11 июл 2024 11:43
Янгиликлар

ПСЖ 60 миллион еврога сотиб олган ярим ҳимоячи фаолиятини МЮда давом эттирмоқчи

"Пари Сен-Жермен" ярим ҳимоячиси Мануэль Угарте келажаги борасида бир қарорга келди.

Уругвайлик футболчи парижликлар сафини тарк этишга қарор қилди. Бунга жамоа устози Луис Энрике режаларида Угартени кўрмаётгани сабаб бўлди, деб хабар беради журналист Санти Ауна.

23 ёшли таянч ярим ҳимоячиси фаолиятини "Манчестер Юнайтед"да давом эттириш ниятида. Манчестерликлар Лига 1 клуби билан музокараларни давом эттиришмоқда. Маълумотларга қараганда, музокаралар ижобий руҳда давом этмоқда – барчаси яқин вақтлар ичида ҳал бўлиши кутилмоқда.

Қайд этиш лозим, Мануэль Угарте ПСЖ сафида ўтган йилнинг июль ойидан буён тўп тепмоқда. Ўшанда парижликлар футболчини 60 млн евро эвазига сотиб олганди.

"Transfermarkt" портали хавбекнинг трансферини 45 млн еврога баҳоламоқда.

Ҳавола :

Манба : footmercato

Янгиликларни Телеграмда ўқинг!

Рейтинг: