Превью. "Насаф" - "Динамо"

«Насаф» (Қарши) – «Динамо» (Самарқанд)
19 июнь 2015. Қарши. “Марказий” стадиони. 20:00
Ҳакамлар: Ш. Қосимов (Тошкент), А. Усмонов (Тошкент), А. Цапенко (Тошкент вил.), Д. Мухторов (Тошкент)
Назоратчи: С. Эрматов (Тошкент).

“Насаф” ҳамда “Динамо” клублари олий лигада шу кунгача 34 бор куч синашишган. Натижалар “аждарлар”нинг устунлигини кўрсатмоқда. 18та ўйинда “Насаф”, 7 ўйинда “Динамо” ғалаба қозонган. 9та учрашувда дуранг натижа қайд этилган. “Аждарлар” ўзаро ўйинларда 48 бор рақиб дарвозасига йўл топа олишган. “Динамо” эса 33 бор гол кирита олган. Қарши клуби 63, Самарқанд клуби эса 30 очкони қўлга киритган. “Насаф”нинг “Динамо” устидан қозонган энг йирик ғалабаси – 5:0. “Динамо”нинг энг йирик ғалабаси эса 4:0.

Ўтган мавсум биринчи даврада Қаршида Илҳом Юнусов гол уриб “Насаф”га ғалаба келтирганди – 1:0. Иккинчи даврм бошида “аждарлар” Самарқанддан 5:0 ҳисобидаги ғалаба билан қайтишган. Шерзод Аъзамов, Кенжа Тўраев, Илҳом Шомуродов ва Артур Геворкян (2та) гол уришганди.

Қаршида ўтган сўнгги беш учрашув:
15.03.2014 «Насаф» - «Динамо» 1:0
20.06.2013 «Насаф» - «Динамо» 3:2
21.11.2012 «Насаф» - «Динамо» 2:1
30.07.2011 «Насаф» - «Динамо» 0:1
01.06.2010 «Насаф» - «Динамо» 2:1

Ўзаро ўйинлар ҳақида факт: “Насаф” ўз уйида 12 марта ғолиб бўлган, 3та учрашув дуранг натижаси билан ўз ниҳоясига етган. Икки марта (2009 ва 2011 йил) “Динамо” Қаршидан уч очко билан кетган. Охирги уч йилда “аждарлар” Қаршида ғалаба қозонишган.