Учрашувнинг 65-дақиқасида франциялик ҳужумчи Дезире Дуэ жарима майдони ичида Диего Гомес Амарилья билан тўқнашувдан кейин йиқилди. Бош ҳакам Ильгиз Танташев дастлаб қоидабузарликни қайд этмаган бўлса-да, VAR тавсиясидан сўнг эпизодни мониторда кўриб чиқиб, пенальти белгилади.
"VAR эпизоди кўриб чиқилаётганида мен ҳам монитор яқинида эдим. Ҳакамнинг орқасида турганим учун вазиятга тўлиқ холис баҳо бера олмайман.
Ҳакамнинг биринчи таассуротига кўра, Дуэнинг ўзи контакт излаб, ўзини ташлагандай кўринган. Кейин эса VAR бу вазиятни пенальти деб баҳолади.
Мен бу эпизодни яна батафсил таҳлил қиламан. Аммо Дуэ ҳақида айтадиган бўлсам, унинг техникаси жуда зўр. Кичик бўлган ҳудудларда ҳам ҳаракат қилишни яхши билади ва ҳавода мувозанатни сақлай олади", - деди Альфаро.
Эслатиб ўтамиз, мазкур пенальтидан кейин Килиан Мбаппе гол уриб, Францияга 1:0 ҳисобида ғалаба ва ЖЧ–2026 чорак финали йўлланмасини тақдим этди.
