Унинг айтишича, парагвайлик футболчилар бутун ўйин давомида провокацион ҳаракатлар қилган бўлса-да, францияликлар вазминликни сақлаб қолган.
"Агар мен шу ўйинда иштирок этганимда, эҳтимол 4 ёки 5 та қизил карточка олардим. Франция футболчилари эса совуққонлик намоён қилди. Улар хотиржам бўлиб, ҳатто баъзи пайтларда кулиб ҳам туришди.
Провокацияларга бериладиган энг яхши жавоб — кулиш ва бунга умуман эътибор қаратмаслик", - деди Ибрагимович.
Эслатиб ўтамиз, Франция терма жамоаси Парагвайни 1:0 ҳисобида мағлуб этиб, мундиал чорак финалига йўл олди.
