Ўзбекистон U-23 - Қатар U-23. Равшан Ҳайдаров жамоаси расмий машғулот ўтказди ФОТОГАЛЕРЕЯ
08 янв 2018 12:55
Янгиликлар

Ўзбекистон U-23 - Қатар U-23. Равшан Ҳайдаров жамоаси расмий машғулот ўтказди ФОТОГАЛЕРЕЯ

U-23 ёшлар ўртасидаги Осиё чемпионатида иштирок этувчи Ўзбекистон олимпия терма жамоаси кеча Чангжоу шаҳридаги марказий стадионда расмий машғулот ўтказди.

ОФК расмийлари стадионни Осиё чемпионати 1-тур баҳсига тайёрлаш мақсадида катта ҳажмдаги иш олиб боришмоқда. Шу боис, ОФК терма жамоаларга расмий машғулот ўтказиш учун учрашувдан икки кун олдин рухсат берган. Бу ҳақда ЎФФ расмий сайти хабар берди.

Равшан Ҳайдаров бош мураббийлигидаги терма жамоа кеча маҳаллий вақт билан соат 20:00да учрашув бўлиб ўтадиган стадионда расмий машғулот ўтказди. Бугун терма жамоалар расмийлари иштирокида митинг бўлиб ўтади.

Эслатиб ўтамиз, Ўзбекистон Олимпия терма жамоаси Осиё чемпионатидаги дастлабки учрашувни 9 январь куни Қатар терма жамоасига қарши ўтказади. Ўйин Тошкент вақти билан соат 16:30да бошланади.

Қуйида расмий машғулотдан олинган расмларни томоша қилинг.