Осиё Кубоги-2019. Қатарлик ҳужумчи Али Дайи ўрнатган рекордни такрорлади
29 янв 2019 22:14
Янгиликлар

Осиё Кубоги-2019. Қатарлик ҳужумчи Али Дайи ўрнатган рекордни такрорлади

БААда бўлиб ўтаётган Осиё Кубоги мусобақасида финалчилар маълум бўлди.

Қатар термаси сафида Алмоез Али гуруҳ босқичининг ўзидаёқ 7та гол уришга муваффақ бўлган эди. "Ал Дуҳайл" клубининг 22 ёшли ҳужумчиси бугун ярим финалда БАА дарвозасига битта гол урди ва Осиё Кубоклари тарихидаги энг яхши тўпурар Али Дайига етиб олди. Негаки Дайининг ҳисобида 8та гол бор. Эронлик собиқ тўпурар 1996 йилги Осиё Кубогида 8 бор рақиблар дарвозасини ишғол қилган.

Маълумот учун, Алмоезз Али 1996 йилнинг 19 августида туғилган. У Қатар терма жамоасида илк учрашувини 2016 йилнинг 8 август куни Ироққа қарши ўтказган.

Осиё Кубоги тўпурарлари

Али Дайи (Эрон) - 8та гол, 1996 йил.
Алмуз Али (Қатар) - 8та гол, 2019 йил
Беҳташ Фариба (Эрон) - 7та гол, 1980 йил
Чой Сун Хо (Ж.Корея) - 7та гол, 1980 йил