Осиё Кубоги-2004. Пенальтилар сериясидаги омадсизлик ВИДЕО
02 янв 2019 14:15
Янгиликлар

Навбат 2004 йилги Осиё Кубогига етиб келди.

2004 йилги Осиё Кубогига Хитой мамлакати мезбонлик қилган. Мусобақада илк бор 16та жамоа қатнашди ва 4тадан жамоа 4та гуруҳга бўлинган ҳолда чемпионлик учун курашди. Ливандаги Осиё Кубогида Хитой, Япония, Жанубий Корея, Саудия Арабистони, Эрон, Ироқ, Кувайт, Қатар, Индонезия, Таиланд, БАА, Баҳрайн, Иордания, Уммон, Туркманистон ва Ўзбекистон терма жамоалари иштирок этди.

Мезбон ва амалдаги чемпион Япония саралашсиз Осиё Кубогига йўлланмани қўлга киритди. Ўзбекистон терма жамоаси учинчи бор қитъа чемпионатида иштирок этди.

Терма жамоамиз саралашда Таиланд, Тожикистон ва Гонконг билан бир гуруҳда бўлди. Олти учрашувнинг 4тасида ғалаба қозонган ва Тожикистон билан дуранг ўйнаган Ўзбекистон муддатдан аввал Осиё Кубогига чиқди. Сўнгги турда Таиландга йирик ҳисобда имконият бой берилган.

2004 йилги Осиё Кубоги Пекин, Чонгкинг, Жинан ва Ченгду шаҳарларидаги тўртта стадионда стадионларида ўтказилган.

Осиё Кубогида Равшан Ҳайдаров бошчилигидаги жамоамиз Ироқ, Туркманистон ва Саудия Арабистони билан куч синашган. Футболчиларимиз гуруҳдаги учала ўйинда ҳам 1:0 ҳисобида ғалаба қозонишган. Илк турда Ироқ Миржалол Қосимовнинг жарима забасидан урган голи эвазига таслим қилинган. Иккинчи турда Саудия Арабистонига ёш Александр Гейнрих ажойиб гол урган эди. Сўнгги турдан олдин Ўзбекистон гуруҳдан чиқиб бўлганди. Шундай бўлса ҳам Миржалол Қосимовнинг яна бир бор жаримадан урган шедевр голи эвазига Туркманистон мағлуб этилган.

Чорак финалда Баҳрайн билан биз учун алмали ўйин бўлиб ўтган. Асосий вақтда 2:2 ҳисоби қайд Гейнрих ва Шишеловнинг голларига баҳрайнлик Аъло Хубайл деган футболчи икки марта жавоб берган. Пенальтилар сериясида биздан Марат Бикмаев ҳамда Леонид Кошелев ноаниқ беришган ва якунда 3:4 ҳисобида ютқазганмиз.

TAS-IX

TAS-IX эмас

Ярим финалда бизни ютган Баҳрайн ва амалдаги чемпион Япония тўқнаш келган. Қўшимча таймларга қадар давом этган баҳсда самурайлар 4:3 ҳисобида зафар қучишган.

Иккинчи ярим финалда мезбон Хитой ва Эрон куч синашишди. Бу баҳсда ҳам асосий вақтда ғолиб аниқланмади - 1:1. Қўшимча таймда ҳам ҳисоб ўзгармади ва ғолиб пенальтилар сериясида аниқланди. Унда Хитойга "деворлар" ёрдам берди - 4:3.

Учинчи ўрин учун баҳсда Бранко Иванкович бошчилигидаги Эрон Баҳрайнни 4:2 ҳисобида мағлуб этиб бронза медалига эга чиққан.

Финалда Зико бошчилигидаги Япония майдон эгаларига ҳеч қандай имконият қолдирмади ва 3:1 ҳисобида ғалаба қозонди. Қизиғи финалда Япония устози биронта ўзгаришни амалга оширмади. Шу тариқа, Япония кетма-кет иккинчи ва умумий учинчи марта Осиё Кубогини қўлга киритди.

Япониялик Шунсуке Накамура мусобақанинг энг яхши футболчиси деб тан олинди. Бештадан гол урган Аъло Ҳубайл ва Али Карими мусобақа тўпурари бўлишди.

Осиё Кубоги-2004
Мезбон мамлакат: Хитой
Муддати: 17 июль – 7 август
Жамоалар сони: 16та
Мезбон шаҳар: 4та

Мусобақа статистикаси:
Ўйинлар сони: 32та
Голлар сони: 96та (ўртача 3тадан)
Томошабинлар ташрифи: 937650 (29302 ўртача)
Тўпурар: Аъло Ҳубайл (Баҳрайн), Али Карими (Эрон) - 5тадан гол
Энг яхши футболчи: Шунсуке Накамура (Япония)
Фэйр-плей соврини: Хитой

Осиё Кубоги-2004 рамзий терма жамоаси:
Дарвозабон: Йошикацу Кавагучи (Япония)
Ҳимоячилар: Цунеясу Миямото (Япония), Южи Наказава (Япония), Зенг Зи (Хитой), Меҳди Маҳдавикия (Эрон)
Ярим ҳимоячилар: Шунсуке Накамура (Япония), Шао Жиайи (Хитой), Зао Жунзе (Хитой), Талал Юсуф (Баҳрайн)
Ҳужумчилар: Аъло Ҳубайл (Баҳрайн), Али Карими (Эрон)

“А” гуруҳи	Ў	Ю	Д	М	Т-Н	О
Хитой	3	2	1	0	8:2	7
Баҳрайн	3	1	2	0	6:4	5
Индонезия	3	1	0	2	3:9	3
Қатар	3	0	1	2	2:4	1

“B” гуруҳи	Ў	Ю	Д	М	Т-Н	О
Жанубий Корея	3	2	1	0	6:0	7
Иордания	3	1	2	0	2:0	5
Кувайт	3	1	0	2	3:7	3
БАА	3	0	1	2	1:5	1

“C” гуруҳи	Ў	Ю	Д	М	Т-Н	О
Ўзбекистон	3	3	0	0	3:0	9
Ироқ	3	2	0	1	5:4	6
Туркманистон	3	0	1	2	4:6	1
Саудия Арабистони	3	0	1	2	3:5	1

“D” гуруҳи	Ў	Ю	Д	М	Т-Н	О
Япония	3	2	1	0	5:1	7
Эрон	3	1	2	0	5:2	5
Уммон	3	1	1	1	4:3	4
Таиланд	3	0	0	3	1:9	0

Чорак финал
Ўзбекистон - Баҳрайн 2:2 (пенальтилар серияси 3:4)
Голлар: Александр Гейнрих 60, Владимир Шишелов 86 - Аъло Ҳубайл 71, 76

Хитой - Ироқ 3:0
Голлар: Хао Хайдонг 8, Зенг Зи 81 пенальти, 90+2 пенальти.

Япония - Иордания 1:1 (пенальтилар серияси 4:3)
Голлар: Сузуки 14 - Шелбаиеҳ 11

Жанубий Корея - Эрон 3:4
Голлар: Сеул Ки Хён 16, Ли Донг Гук 25, Ким нам Ил 68 - Карими 10, 20, 77, Парк Жин Соп 51 автогол.

Ярим финал
Баҳрайн - Япония 3:4 (қўш.вақт)
Голлар: Аъло Ҳубайл 7, 71, Носир Абдулла 85 - Наката 48, Тамада 55, 93, Наказава 90.

Хитой - Эрон 1:1 (пенальтилар серияси 4:3)
Голлар: Шао Жиайи 18 - Алави 38

Учинчи ўрин учун баҳс
Эрон - Баҳрайн 4:2
Голлар: Некунам 9, Карими 52, Али Дайи 80 пенальти, 90 - Юсуф 48, Фарҳан 57

ФИНАЛ
Хитой - Япония 1:3
7 август 2004. Пекин. "Ишчилар" стдаиони. 62000 томошабин
Бош ҳакам: Саад Комил Ал Фадҳли (Кувайт)
Голлар: Ли Минг 31 - Такаши Фукуниши 22, Кожи Наката 65, Кеижи Тамада 90+1.
Хитой: Лиу Юнфеи, Веи Хин, Занг Яокун, Зенг Зи, Сун Ксианг, Ли Минг, Шао Жиайи, Зао Жунзе, Ян Сонг (Сун Жихаи, 68), Хао Хайдонг (Ли Йи, 57), Ли Жиню (Ху Юнлонг, 75)
Бош мураббий: Ари Хаан (Голландия)
Япония: Йошикацу Кавагучи, Акира Кажи, Макото Танака, Цунеясу Миямото, Кожи Наката, Южи Наказава, Такаши Фукуниши, Шунсуке Накамура, Алекс, Такаюки Сузуки, Кейжи Тамада.
Бош мураббий: Зико (Бразилия)

Осиё Кубоги-2004 чемпион таркиб
Дарвозабонлар
Сеиго Наразаки
Йоичи Дои
Йошикацу Кавагучи

Ҳимоячилар
Макото Танака
Цунеясу Миямото
Атсухиро Миура
Наоки Матсуда
Акира Кажи
Южи Наказава
Такаюки Эндо

Ярим ҳимоячилар
Ясухито Эндо
Кожи Наката
Митсуо Огасавара
Шунсуке Накамура
Алекссандро Дос Сантос
Такаши Фукуниши
Тошия Фужита
Норихиро Ниши
Такуя Ямада

Ҳужумчилар
Такаюки Сузуки
Масаши Мотояма
Кейжи Тамада
Бош мураббий: Зико (Бразилия)