Осиё футболи ҳақида билишимиз керак бўлган маълумотлар

Савол: Ча Бум Кун 1998 йилга қадар Бундеслигада энг кўп гол урган легионер бўлиб келаётганди. Унинг рекордини ким янгилаган?

Жавоб: Стефан Чапуисат. Ушбу футболчи Бундеслигада 308 учрашув ўтказиб, 98та гол урган. У фаолияти давомида "Дармштадт", "Айнтрахт" ва "Байер" клубларида тўп тепган. Ҳозирда мазкур рекорд Роберт Левандовскига тегишли. 

Савол: Хитой Суперлигасининг 2019 йилги мавсумида энг кўп мухлис ташриф буюрган стадион қайси?

Жавоб: Бу "Бейжинг" ФК уй учрашувларини ўтказадиган "Уоркерс" стадиони. Ўртача ҳар ўйинга 66,661 мухлис ташриф буюрди. 

Савол: ОЧЛда битта ўйинда энг кўп гол урган футболчи ким?

Жавоб: Магно Алвес. Бразилиялик ҳужумчи "Гамба Осака" таркибида Вьетнамнинг "Да Нанг" клубига бир ўйинда 5та гол уришнинг уддасидан чиққан. 

Савол: 2018 йил аёллар ўртасидаги Осиё Кубогида ким тўпурар бўлган?

Жавоб: Ли Йинг. Хитойлик ҳужумчи 7та гол билан мусобақа тўпурари бўлганди.

Савол: Бешта Осиё Кубогида иштирок этган ягона футболчи ким?

Жавоб: Игнатий Нестеров. Нестеров 2004 - 2019 йиллар оралиғида ўтказилган барча бешта мусобақада иштирок этиб, бу борада ўзига хос рекордчи ҳисобланади. Тўрт мартадан қатнашганлар: Ясухито Эндо (Япония), Женг Жи (Хитой) ва Маъсуд Шожайи (Эрон). 

Савол: Жанубий Корея К-лигасига қачон асос солинган?

Жавоб: 1983 йилда. Маълумот учун Япония J-лигаси 1992 йилда, Хитой Суперлигаси эса 2004 йилдан йўлга қўйилган. 

Савол: Ҳам ОФК Кубоги, ҳам ОЧЛ финалида ўйнаб мағлубиятга учраган жамоа қайси?

Жавоб: Бу Суриянинг "Ал Карама" клуби. "Ал Карама" 2006 йил ОЧЛ финалига чиқиб, "Чонбук Хюндай Моторс"га имкониятни бой берган. 2009 йилги ОФК Кубоги финалида эса "Қувайт СК"дан мағлуб бўлган.