Осиё чемпиони бўлган Равшан Ҳайдаровнинг финалдан кейинги фикрлари
27 янв 2018 21:37
Янгиликлар

Осиё чемпиони бўлган Равшан Ҳайдаровнинг финалдан кейинги фикрлари

Теглар : Ўзбекистон U-23 Равшан Ҳайдаров

Ўзбекистон U-23 терма жамоасини чемпион қилган Равшан Ҳайдаров Вьетнам билан бўлган финалдан сўнг ўз фикрларини билдириб ўтди.

"Бугун янги тарих яратдик, бу Ўзбекистон футболи ва мамлакатимиз учун жуда катта ғалабалардан бири. Ушбу соврин келажак учун анчагина фойдали бўлиши аниқ. Бу йигитлар терма жамоамиз келажаги ҳисобланади. Сўнгги йилларда биз совринлар юта олмаётгандик. Бугунги ғалаба жуда муҳим эди.

Финал учрашувида йигитлар бор кучлари билан ўйнашди. Жуда оғир ўтган баҳсда футболчилар борларини беришди. Ушбу мусобақада кўрсатган ўйинимиз туфайли бугунги совринга ҳақли эдик. Бу телевизор орқали ўйинни томоша қилган оилаларимиз, дўстларимиз ва бутун ўзбек халқининг ғалабаси!

Ушбу жамоани икки йилдан ортиқроқ вақт давомида биламан. Кўплаб йигитлар Янги Зеландиядаги U-20 Жаҳон чемпионатида ҳам қатнашиб келишган. Уларда тажриба бор. Йигитларни ушбу мусобақада ғолиб бўлишларига ишонтира олдим. Ҳар куни уларни буни айтиб бордим.

Вьетнам жуда яхши жамоа, кучли ҳимояга эга. Ушбу мусобақада улар ажойиб футбол кўрсатишди. Биз рақибни ўрганиб чиқдик ва финалда шунга монанд ўйнадик. Вьетнамни ҳурмат қиламиз, уларни ажойиб келажак кутмоқда. Ушбу терма жамоада кучли авлод етишиб чиқди", - дейди Осиё чемпиони Равшан Ҳайдаров ОФК расмий сайтига.