UZ

Сўнгги янгиликлар

01:50"Ал Ҳилол"нинг собиқ бош мураббийи "Ал Насср"ни бошқаришга рози бўлди  2 00:54Расман: Поль Погба - "Монако" футболчиси!  2 00:36Акмал Рустамов: "Йигитларнинг барчасига раҳмат айтаман, улар бор кучи билан ҳаракат қилишмоқда"  1 00:12Клублар ўртасидаги ЖЧ. "Бенфика" - "Челси" баҳси асосий таркиблари маълум!  2 00:10Мирко Йеличич: "Биз 60 дақиқа яхши ўйнадик"  0 23:55Суперлига. Алибоев супергол урган баҳсда "Нефтчи" "Қизилқум" билан дуранг ўйнади, "Навбаҳор" эса "Машъал"ни йирик ҳисобда енгди  0 23:51Клублар ўртасидаги ЖЧнинг биринчи чорак финалчиси маълум!  0 23:38Виталий Левченко: "Агар реализация яхшироқ бўлганида, ўйин натижасини ҳал қилиб бўлган бўлар эдик"  16 23:23Сергей Лушчан: "Мавсум аввалида бизда аниқ бир мақсад йўқ эди, ҳозир эса... Футболчимизда хориждан таклиф бор"  7 22:50Уильямсни сотиб олса ҳам "Барселона" Рэшфордни трансфер қилишга уриниб кўради  5 22:31Фарҳод Нишонов: "Бир нечта футболчиларимизда Суперлигадан клубларидан таклифлар бор"  0 22:13Асрор Алиқулов: "Чарчоқ ёки иссиқ ҳаво деган гаплар қуруқ баҳона. Ҳар бир учрашув ҳам ўхшайвермайди"  4 21:57Суперлига. "Қизилқум" сўнгги дақиқаларда гол уриб, "Нефтчи"ни ғалабадан маҳрум қилди  70 21:21ПроЛига. "Олимпик Мобиуз" "Олимпик" дарвозасига жавобсиз 4та гол урди ва пешқадамликни қўлига олди  1 20:55Суперлига. "Навбаҳор" ўз майдонида "Машъал"га жавобсиз 6 та тўп йўллади, Ғуломовда дубль, Жияновда 3 та ассист!  67

“Оқ бўрилар”нинг садоқатли вакили Янгиликлар

“Оқ бўрилар”нинг садоқатли вакили

Бугун ўзбек футболида ўз ўрни, мавқеи, ҳурмат ва эътиборига эга бўлган “Шўртан” жамоасининг садоқатли йигитларидан бири, кўп йиллардан буён катта маъмур сифатида фаолият кўрсатиб келаётган Ботир Расулов ўз таваллуд айёмини нишонламоқда.

Қаҳрамонимизни чин маънода “Оқ бўрилар” жамоасининг садоқатли вакили дейишга тўла асосларимиз бор. Футбол билан болалик чоғларидан ошно тутинган Ботиржон кўпчилик тенгқурлари қаторида Ғузор футболининг ҳам асосчиси, ҳам отаси ҳисобланган Эшмурод Чоршанбиевга шогирд тушди ва миллионлар ўйинининг сир-асрорларини чуқур ўрганди. Катта футболга ҳам Ғузорликлар таркибида қадам ташлади. Севимли жамоаси “Шўртан”нинг иккинчи лигадаги баҳсларида иштирок этиб, мамлакатимиз футболининг юқори поғанасига кўтарилишига ўзининг камтарона, муносиб ва беқиёс ҳиссасини қўшди.

“Шўртан” Ўзбекистон Чемпионати Биринчи Лигасида ўз иштирокини бошлаган дастлабки йилларда у ака-ука Илҳом ва Икром Норчаевлар, Баҳодир Аҳмедов, Карим Рустамов, Шоди Номозов, Шуҳрат Акмирзаев (марҳум), Абдураҳмон Юмангулов, ака-ука Бахтиёр ва Ихтиёр Каримовлар, Эркин Мирзаев, Акмал Саитқулов, Баҳром Бобомуродов, Алексей Раупов, Шавкат Исмоилов, Наврўз Жўраев, Шуҳрат Қиёмов, Александр Бейнарович, Дадажон Тоғаев, ака-ука Суннатилло, Сирож ва Баҳодир Шаймардоновлар, Марат Бильданов каби нафақат Ғузор, балки Қашқадарё футболининг номдор вакиллари билан бир вақтда тўп суришга муваффақ бўлди.



Ботир Расулов “Оқ бўрилар”нинг Олий Лигага чиқишига ҳам муносиб ёрдам кўрсатди. Тақдир таққозоси билан орада Қашқадарёнинг ўз даврида яна бир таниқли “Ҳисор” жамоасида ўйнади ва Шаҳрисабзликларнинг ҳам Биринчи лигага йўл олишларида бирга бўлди.

Катта футболдаги фаолиятини якунлаганидан кейин ҳам у ўз ҳаётини қадрдон жамоаси тақдири билан узвий боғлади. Мана бир неча йилдирки, “Шўртан” ПФКда катта маъмур вазифасида фидокорона меҳнат қилиб келмоқда. Ғузор жамоасининг Халқаро майдонлардаги иштирокида, шунингдек Ўзбекистон Чемпионатлари ва мамлакат Кубоги баҳсларидаги муваффақиятларида биргаликда ҳамнафас бўлиб келмоқда.

Масъулиятли, ҳалол ва фидокорона меҳнатлари эвазига Ботир Расулов нафақат “Шўртан” жамоасида, балки Суперлиганинг “Пахтакор”, “Локомотив”, “Бунёдкор”, “АГМК, “Металлург”, “Андижон”, “Қўқон-1912”, “Навбаҳор”, “Сўғдиёна”, “Динамо”, “Бухоро”, “Қизилқум”, “Сурхон”, “Насаф”, шунингдек ПРО-Лиганинг кўпгина жамоаларида меҳнат қилаётган ҳамкасблари ва дўстлари орасида катта ҳурмат ҳамда эътиборга эришган.

Шу муносабат билан “Шўртан” ПФК раҳбарияти, ходимлари, мураббийлар гуруҳи, футболчилари ва кўп минг сонли мухлислари номидан Ботир Расуловга ушбу кунда аввало соғлик, саломатлик, оилавий тинчлик, хотиржамлик, ишларига ривож тилаймиз.

Туғилган кун муборак бўлсин Ботиржон, деб қоламиз!


Рейтинг:    

Фикрлар

championat.asia
< сўнгги янгиликларни кўриш
Яндекс.Метрика