Олий лига пешқадами “Локомотив” 9-ўриндаги “Машъал”ни қабул қилади

“Локомотив”нинг навбатдаги беллашувга тайёргарлиги давом этмоқда. Андрей Микляев ва Мирко Йеличич шогирдлари машғулотларни навбати билан “Локомотив” ва ТТЙМИ стадионларида олиб боришмоқда. “Машъал” эса ўз тайёргарлигини Янгиерда давом эттиряпти. Ўтган турни жамоалар икки хил ўтказишди. “Локомотив” сафарда “Сўғдиёна” билан дуранг ўйнаган бўлса, “Машъал” ўз уйида “Навбаҳор”ни мағлуб этди.

4-тур якунларига кўра, “Локомотив” 10 очко билан турнир жадвалида биринчи ўринда боряпти. “Машъал” эса 4 очко жамғарган ҳолда 9-ўринни эгаллаб турибди. “Локомотив” шу пайтгача бўлиб ўтган 4та ўйиндан учтасида ғалаба қозонди ва бир марта дуранг ўйнади. “Машъал” эса бир бор ғалаба ва бир бор дуранг қайд этиб, икки марта мағлуб бўлди. “Локомотив”да тўплар нисбати 11-4, “Машъал”да эса 5-7.

Олий лига-2016. “Локомотив”нинг натижалари:
1-тур. “Навбаҳор” – “Локомотив” 2:3
2-тур. “Андижон” – “Локомотив” 1:3
3-тур. “Локомотив” – “Нефтчи” 4:0
4-тур. “Сўғдиёна” – “Локомотив” 1:1

Олий лига-2016. “Машъал”нинг натижалари:
1-тур. “Қизилқум” – “Машъал” 3:2
2-тур. “Машъал” – “Металлург” 1:3
3-тур. “Бунёдкор” – “Машъал” 0:0
4-тур. “Машал” – “Навбаҳор” 2:1

“Локомотив” сафида гол урган футболчилар:
Темурхўжа Абдухолиқов (4)
Сардор Мирзаев (3)
Марат Бикмаев (2)
Санжар Шоаҳмедов (1)
Кахи Махарадзе (1)

“Машъал” сафида гол урган футболчилар:
Шаҳбоз Эркинов (2)
Зафар Тўраев (2)
Шаҳзод Шайманов (1)