Олий лига. "Навбаҳор" кетма-кет 8та ўйинлик ғалабасиз сериясига барҳам берди

ТТЙМИ стадионида бўлиб ўтган баҳсда "Навбаҳор" "Обод"ни 2:0 ҳисобида мағлуб этди ва ўз ҳисобидаги очколар сонини 22тага етказиб олди. Бу ғалаба "Навбаҳор"нинг олий лигада қаторасига саккиз ўйиндан сўнг илк уч очкоси бўлди. Чунки жамоа бунгача охирги марта 7-турда "Шўртан" устидан 1:0 ҳисобида зафар қучганди. 

Шундан сўнг жамоа кетма-кет ўйинларда ғалабага эриша олмади. Беш марта дуранг ўйнаган бўлса, уч бор мағлуб бўлди. Ўйиндан сўнг намаганликлар бош мураббийи Илҳом Мўминжонов кейинги беллашувларда ҳам натижа учун ўйнашини, чунки "Навбаҳор"га натижа сув ва ҳаводек зарурлигини айтиб ўтди. 

"Навбаҳор" қаторасига саккиз ўйинда ғалаба қозонмаган ўйинларда "Пахтакор", "Локомотив", "Қўқон-1912", "Бухоро", "Бунёдкор", "Сўғдиёна", "Олмалиқ" ва "Насаф" клубларига қарши баҳс олиб борганди. 

Х.Холиқов