Одилбек Абдумажидов: "Ўзимни кўрсатиб, кучлироқ клубларда ўйнамоқчиман"

Мазкур учрашувда термамизнинг қўли баланд келди. Ўйин ниҳоясига етгач, "Ордабаси"да муваффақиятли тўп тепаётган ҳимоячи Одилбек Абдумажидов билан суҳбатлашдик.

- Ўйин ҳақида

- Ўйин ҳақидаги таассуротларим аъло даражада. Олдин ҳам Тожикистонга қарши ўйнаганмиз, яхши шаклланган жамоа. Осиё Кубоги олдидан охирги ўртоқлик учрашувимизни ўтказдик. 

Жамоамиз футболчилари энди йиғилишди. Ушбу ўйин бир-биримизни яхши тушуниб олишимиз учун ташкил қилинганди. Мақсадимиз жиддий, Аллоҳ насиб қилса, мухлисларни хурсанд қилишга ҳаракат қиламиз.

- Оёғингиз лат егандай туюлди, жароҳат олмадингизми?

- Йўқ, ҳаммаси жойида. Оёғимни озроқ шикастлаб олдим, холос. 

- "Ордабаси"даги фаолиятингиз жуда яхши кечяпти. Бошқа жамоалардан қизиқиш бўлмадими?

- Аллоҳга беҳисоб шукр, "Ордабаси"даги фолиятим яхши кечмоқда. У ерда ижара асосида ўйнаяпман. Ҳали "Металлург" билан яна 2 йиллик шартномам бор. Ўзимни кўрсатиб, кучлироқ клубларда ўйнамоқчиман. Бунга астойдил ҳаракат қиламан.

Эслатиб ўтамиз, Ўзбекистон U-23 термаси Осиё Кубогидаги иштирокини 1 июнь куни Туркманистонга қарши учрашув билан бошлайди. Мазкур ўйин "Пахтакор" стадионида бўлиб ўтади ва у 20:30 да бошланиши режалаштирилган.