"Нефтчи" бугун Россия клуби билан ўйнайди
17 янв 17:07
Янгиликлар

"Нефтчи" бугун Россия клуби билан ўйнайди

Туркияда йиғин ўтказаётган "Нефтчи" футбол клуби режадан ўрин олган ўртоқлик назорат учрашувларини давом эттирмоқда.

13 январь куни Нидерландиянинг "ХБС" клубига қарши майдонга тушиб, 0:0 ҳисобида дуранг ўйнаган "Нефтчи" навбатдаги назорат баҳсида Россиянинг Биринчи лигаси вакили "СКА Хабаровск" клуби билан куч синашади.

Рақиб бўйича қисқача маълумот: "СКА Хабаровск" футбол клуби 1946 йилда ташкил топган. Уй стадиони 15200 томошабингга мўлжалланган бўлиб, айни пайтда жамоа Россия Биринчи лигаси мусобақаларида иштирок этиб келмоқда. Жамоага таниқли мутахассис Роман Шаронов бош мураббийлик қилиб келмоқда.

"Нефтчи" - "СКА Хабаровск" ўртоқлик учрашуви бугун, 17 январь куни Тошкент вақти билан соат 18:00да бошланади.

Ҳавола :

Манба : "Нефтчи” матбуот хизмати

Янгиликларни Телеграмда ўқинг!

Рейтинг: +1