"Навбаҳор-96"ни эслаб. Олий лига тарихида энг кўп гол урилган ўйин
27 фев 2016 10:00
Янгиликлар

"Навбаҳор-96"ни эслаб. Олий лига тарихида энг кўп гол урилган ўйин

Сайтимиз орқали 1996 йилги мавсумда "Навбаҳор" қайд этган натижалар ҳақида маълумот бериб борамиз.

Ўша йилнинг 20-турида Наманганда вилоят дербиси бўлиб ўтган. "Навбаҳор" ўз уйида "Косонсой"ни қабул қилган. 20 август куни бўлиб ўтган баҳсда мухлислар оз эмас, кўп эмас 13та голнинг гувоҳига айланишганди. "Лочинлар" 10:3 ҳисобида зафар қучишганди.

Майдон эгалари сафида Зафар Мусабоев (3та), Олег Шацких (3та), Тохир Мадраҳимов, Сайдулло Турсунов, Абдуқаҳҳор Маъруфалиев, Эдуард Мамотов тўп киритишганди. "Косонсой"дан эса Умид Жўраев (2та) ва Насим Омонов гол уришганди.

Бу баҳс олий лига тарихида битта ўйинда урилган голлар сони бўйича рекорд бўлиб турибди. Яъни ҳозирга қадар ҳеч бир ўйинда 13та ва ундан кўп гол урилмаган.