Мустафо Байрамов: "Навбаҳор" чемпионлигининг бош омили жамоавий ўйин бўлган"
27 фев 2016 14:14
Янгиликлар

Мустафо Байрамов: "Навбаҳор" чемпионлигининг бош омили жамоавий ўйин бўлган"

"Навбаҳор" клубининг собиқ футболчиси Мустафо Байрамов 1996 йилги чемпионликни ёдга олди.

"Ўша йилги ғалабанинг бош омили жамоавий тарзда шаклланганимиз бўлганди. Ҳимояда Фарҳод Магометов жуда ишончли ўйнаганини алоҳида таъкидлаб ўтган бўлардим. Бундан ташқари ҳужумда Олег Шацких ва Зафар Мусабоев бор эди. Ўша йил уларнинг энг гуллаган даврлари эди. Шацких 23та гол билан чемпионат тўпурарига ҳам айланганди".

Энг қийин ўйин сифатида Фарғонада "Нефтчи"га қарши ўтган баҳсни эслайман. Ўша учрашувда биз 1:2 ҳисобида ютқазиб қўйганмиз. Аммо қолган турларда керакли очколарни қўлга киритиб чемпион бўлгандик".

"Ўша йил жамоа раҳбарларидан бири бўлган марҳум Ҳакимжон Ҳошимов жамоа аъзоларига барча шароитларни яратиб берганди. Уларнинг чемпионликда жуда катта хиссаси бўлганди", - дейди Байрамов.