UZ

Сўнгги янгиликлар

01:46"Фулхэм" стадион трибунасида очиқ бассейн қурмоқчи  0 01:29Абдуқодир Ҳусанов "Лилль" билан ўйинни ўтказиб юборади  0 00:52Италиялик жаҳон чемпиони Қозоғистонга ташриф буюрди  0 00:35Роналдунинг либосини кийган таниқли блогер Мессига алоқадор ресторандан ҳайдаб юборилди  10 00:18Вадим Абрамов: Самарқанд — иккинчи пойтахт. Шундай экан, бу ерда яхши жамоа бўлиши керак"  9 23:37БАА футбол федерацияси ёшини сохталаштирган 18 нафар мисрлик футболчини депортация қилди  2 23:10Веско Стешивич: "Биринчи бўлимда яна битта гол урганимизда, ғалаба бизники бўларди"  0 22:40Мексикадаги матбуот анжуманида бутун жамоа иштирок этиб, мухлислардан узр сўради  1 22:23Клублар миқёсида халқаро турнирларда энг кўп “қуруқ” ўйин ўтказган дарвозабонлар маълум бўлди  0 22:06Роналду Саудия Арабистони чемпионатидаги энг омадсиз ҳужумчи бўлиб турибди  32 21:49Уругвай термаси техник ҳамкорсиз қолди, жамоа брендсиз либосларда ўйнамоқда  2 21:26Суперлига. "Динамо" — "Металлург" 2:1. Highlights  0 21:07"Бухоро" ва "Хоразм" ўртасидаги марказий учрашувдан ГАЛЕРЕЯ  2 20:57Футзал. Ўзбекистон иккинчи ўйинда Қирғиз Республикасини мағлуб этди  0 20:56Суперлига. "Динамо" "Металлург" устидан мавсумдаги илк ғалабасини қўлга киритди  25

Мессисиз касалхонага айланган "Барселона" паҳлавон "Бавария"га қарши (превью) Янгиликлар

Мессисиз касалхонага айланган "Барселона" паҳлавон "Бавария"га қарши (превью)

УЕФА Чемпионлар лигасининг 1-туридан ўрин олган "Барселона" — "Бавария" учрашуви превьюси билан танишинг.

"Барселона"нинг ҳужум чизиғида етарли муаммолар бор. Улар бўлажак баҳсда Лионель Месси ва Антуан Гризманнсиз қадам ранжида қилишади. Учрашувда каталонияликларнинг асосий қуроли Мемфис Депай бўлиши кутилмоқда. У 3 ўйинда 2 гол уришга эришди, шунингдек, Нидерландия терма жамоасида сўнгги 3 ўйинда 5 бор рақиб дарвозабонларини ранжитди. Мемфисга олдинги чизиқда "Севилья"га кераксиз бўлиб қолган ватандоши Люк де Йонг ёрдам бериши кутилмоқда.

Месси жамоа билан хайрлашгач, етакчиликни қўлга олмоқчи бўлган Мартин Брейтуэйтга бу оғирлик қилди, даниялик ҳужумчи ёрқин ўйинидан сўнг тўғри касалхонага равона бўлди. Умуман олганда, бугунги кунда клуб стадионига нисбатан касалхонаси нуфузлироқ кўриняпти. У ерда Сержиньо Дест, Усмон Дембеле, Серхио Агуэро, Ансу Фати ва Фелипе Коутиньо каби футболчилар бугунги учрашувни ойнаи жаҳон қаршисида кузатиб боришади.

"Бавария" эса акула каби олдинга ҳаракатлангани сари иштаҳаси очилиб бормоқда. Қаршисидан чиққан рақибни ямламай ютмоқда. Зарикса, рақиб дарвозасига 12 талаб гол урмоқда. Қолаверса, иккала жамоа ҳам 15 август воқеаларини (2:8) ёдидан чиқаришмаган бўлса, ажабмас.

Нидерландлашаётган "кўк-анорранглилар" "немис машинаси"га қандай совға тайёрлаганини сентябрнинг салқин оқшомида биргаликда кузатиб борамиз.

Статистика ва фактлар

- Сўнгги саккиз ўйиннинг 5 тасида немислар ғалаба қозонган бўлса, каталонияликлар атиги 2 баҳсда зафар қучган, яна бир баҳсда тарози паллалари тенг келган;

- "Барселона" сўнгги 5 учрашувда мағлубиятга учрамади;

- "Бавария" охирги 4 та баҳсда ғалаба қозонган;

- Ўзаро сўнгги 8 учрашувнинг 6 тасида мюнхенликлар мағлуб бўлмаган;

- "Барселона" охирги 5 ўйинда ўртача 1,20 та гол ўтказиб юборган;

- "Барселона" сўнгги 5 баҳсда ўртача 2,20 та гол урган;

- Каталонияликлар охирги 3 учрашувдан буён ўз дарвозасидан тўп ўтказиб юбормоқда ҳамда сўнгги 5 ўйиндан бери рақибларини ранжитмоқда;

- "Кўк-анорранглилар" охирги 3 учрашувдан бери "Бавария"га гол урмоқда;

- "Немис машинаси" сўнгги 5 ўйинда ўртача 0.80 та гол ўтказган ҳамда 5.40 та гол урган;

- "Бавария" сўнгги 5 баҳсдан буён рақиб дарвозасини ишғол қилмоқда.

Рейтинг: +7   

Фикрлар

championat.asia
< сўнгги янгиликларни кўриш
Яндекс.Метрика