"Машъал" мураббийлар штабида янгилар

Гап шундаки, яқинда "Астана" таклифини қабул қилган Марат Мифтахуддинов ўрнига Жамшид Саидов келди. Бу мураббий шу кунга қадар асосан "Бухоро"да ишлаб келаётганди. Жорий мавсумда Тачмурод Агамуродовга яқиндан ёрдам берган Саидов мавсум поёнига етгач, истеъфога чиқарилганди. Лекин шунга қарамай, ёш мураббий кўп вақт ишсиз қолмади ва уни газчилар ёрдамчи мураббийликка таклиф этди. Демак, Саидов келаси йил бош мураббий Александр Хомяковга яқиндан кўмаклашадиган бўлди.

Шунингдек биринчи лига вакили бўлмиш Косоннинг "Аланга" жамоаси бош мураббийи Дилшод Андаев ҳам келгуси мавсумда жамоа мураббийлар штабида ишлайдиган бўлди. Аслини олганда, Андаев жамоа учун бегона эмас. Сабаби ушбу мураббий илгари ҳам "Машъал"да ишлаганди. Газчилар олий лигага чиққач, ёшлар жамоаси айнан унга топширилди. Айтиш керакки, ўринбосарлар йиғинга 12 декабрдан киришади.