"Манчестер Юнайтед" Фернандеш билан шартномани узайтиришни режалаштирмоқда

Журналист Фабрицио Романонинг хабарига кўра, томонлар янги битим борасида мулоқотни бошлашди. Қайд этиш керакки, шартнома узайтирилгани борасида июлдаёқ эълон қилиниши мумкин.

26 ёшли португалиялик футболчи Англия клубига "Спортинг"дан 2020 йилнинг январида 55 миллион евро эвазига ўтганди.

Футболчи бу вақт давомида МЮ таркибида 80та ўйинда майдонга тушиб, 40та гол ва 25та ассист қайд этди. Фернандешнинг манчестерликлар билан тузган шартномаси 2025 йилнинг 30 июнига қадар мўлжалланган.