“Манчестер Сити” Криштиану Роналдуга бир мавсум учун 18 миллион Евро таклиф қилмоқчи
12 июл 2013 13:22
Янгиликлар


“Манчестер Сити” Криштиану Роналдуга бир мавсум учун 18 миллион Евро таклиф қилмоқчи
Англияда Криштиану Роналдунинг келажаги ҳақида миш-мишлар тарқалишда давом этмоқда. Бу сафар “Манчестер Сити” Роналдуга бир мавсум учун 18 миллион евролик маош таклиф этмоқчи дея хабар беради Daily Star нашри.
Газетада ёзилишича, ушбу таклиф “Манчестер Сити”нинг қўшниси “Манчестер Юнайтед” устидан ўйинчига маош тўлаш бўйича рамзий ғалабаси бўларди. Аввалроқ, “Манчестер Юнайтед” ҳам португал футболчисига қизиқаётганлиги хабар қилинганди.
Шунингдек ушбу иккала клуб бошқа бир ўйинчи борасида ҳам кураш олиб бораётганлиги хабар қилинмоқда. “The Sun” ва “Daily Mirror” нашрларига кўра, Стивен Ёветични сотиб олиш учун қаттиқ бахс олиб боришмоқда.

Фикрлар