UZ

Сўнгги янгиликлар

14:03Расман: ОФК "Насаф"ни жазолади  2 13:51Назорат учрашуви. "Бухоро" - "Сурхон" 1:0  1 13:44"Ливерпуль" "Порту" форварди Луис Диаснинг харидига яқин  3 13:22Бахтиёр Ашурматов: “Фарғона вилояти ҳокими футболнинг ҳақиқий жонкуяри”  6 13:13Эрон - жаҳон чемпионатига чиққан 14-жамоа  4 13:07"Арсенал" АҚШ терма жамоаси дарвозабони Тернернинг трансфери борасида келишувга эришди  1 12:44Влаховичнинг "Ювентус" билан шартномаси 2025/26 йилги мавсум сўнггига қадар мўлжалланган бўлади  2 12:20"Милан" Саншешга қизиқмоқда. Хавбек "Лилль" билан шартномани узайтиришни рад этди  0 12:12Бугун "Нефтчи" Туркияда илк назорат учрашувини ўтказади  8 11:57Футзал. Бугун Ўзбекистон Франция билан ўртоқлик ўйини ўтказади  13 11:36Ўзбекистон - Жанубий Судан 3:0. Highlights  6 11:28ФИФА бу йил турли мусобақаларни бошқарадиган ҳакамлар рўйхатини эълон қилди. Улар орасида ҳамюртларимиз ҳам бор  3 11:25"Ньюкасл" 40+8 млн евролик трансфер борасида келишувга эришди  3 11:01Карикатура: Ансу Фати...  15 10:38"Интер" "Аталанта" ўйинчиси Гозенснинг трансферини эълон қилди  4

"Локомотив" футзалчиси: "Элибоев ва Умаров нима сабабдан миллий терма посбонлари эканлигини кўрсатишди" Янгиликлар

"Локомотив" футзалчиси: "Элибоев ва Умаров нима сабабдан миллий терма посбонлари эканлигини кўрсатишди"

Кеча футзал бўйича мамлакат чемпионатининг 5-тури 2-куни доирасида АГМК - "Локомотив" баҳси бўлиб ўтди.

Футзал ўйинларида деярли кузатилмайдиган 0:0 ҳисоби қайд этилган баҳсдан кейин "Локомотив" футзалчиси Жамолиддин Нормирзаев ўз фикрларини билдириб ўтди.

- Бу ўйинни барча кутди. Турнинг марказий ўйини, принципиал рақиблар, турнир жадвалида пешқадамлик учун курашаётган жамоалар... Ўйин жанговар ўтиши керак эди ва шундай бўлди ҳам. Тўп учун кураш жуда қаттиқ кечди. Шундай чиройли ўйин кўрсатгани учун жамоадошларимга раҳмат айтиб қоламан. Ўйинга юқори кайфиятда тайёрлангандик. Ғалаба учун майдонга тушгандик. Ўтган турда АГМКга мағлуб бўлгандик. Бундан яхши ҳулосалар чиқариб, жавоб ўйинида ғалаба қозонмоқчи бўлгандик.

Ўйин давомида нафақат бизда, балки, АГМКда ҳам яхши вазиятлар бўлди. Икки томонга ҳам гол борасида омад етишмади. Учрашувнинг сўнгги сонияларида ҳам икки томоннинг бири гол уриши мумкин бўлганди. АГМКнинг навбатдаги ўйинларига омад тилайман. Биз эса навбатдаги баҳсларга тайёргарликни давом эттирамиз. Бугунги ўйинда бизни қўллаб турган мухлисларга миннатдорлик билдираман.

Ўйиннинг қийин ўтишини билардик. Баъзи жамоадошларимиз жароҳат олган, айримлари касал бўлиб қолганди. Улар тезроқ сафга қайтишса, албатта, нур устига аъло нур бўларди.

- Футзалдаги фаолиятингиз давомида бирор марта 0:0 ҳисобига дуч келганмисиз?

- Футболда бу ҳисоб одатий. Футзалда эса деярли кўрмайсиз. Балки бўлгандир. Аммо эслай олмадим. Балки бундай ҳисоб бўлмагандир. Фаолиятим анчагина катта муддатни ташкил қилади. Бир ўйлаб кўриш керак.

- Бугунги ўйинни сўнгги йилларда чемпионатдаги энг яхши ўйин деса бўладими?

- Бунга мухлислар баҳо бергани яхшироқ. Биз баҳо берсак ноўрин бўлиб қолиши мумкин. Аммо фикримча, ўйин кутилганидан-да қизиқарли кечди, деб бемалол айта оламан.

- Нима деб ўйлайсиз, агарда бугунги ўйинда дарвозабонлар бошқа бўлганида ҳисоб қанақа бўлиши мумкин эди?

- Улар нима сабабдан миллий терманинг посбонлари эканлигини кўрсатиб қўйишди. Баҳсда дарвозабонларга гап бўлиши мумкин эмас. Равшан Элибоев ва Рустам Умаров ким аслида ким эканлигини исботлашди. Айта оламанки, агарда баҳсда дарвозаларни бошқа посбонлар қўриқлаганида бундай ҳисоб бўлмасди. Албатта, олдиндан ҳисобни айтиб бўлмасди. Аммо бошқа посбонлар бўлганида бундай босимли ўйинда хато қилиши ва гол ўтказиб юбориши ҳеч гап эмасди.

Рейтинг: +1   

Фикрлар

   
15 янв 10:33:52
ALICHO
Ростдан Элибоев хамда Умаровлар ажойиб дарвозабонларимиз. Илохим уларни уйинларига куз тегмасин. Элибоев Умаровга хакикий ракобатчи булиб етишди.
championat.asia
< сўнгги янгиликларни кўриш
Яндекс.Метрика