“Локомотив” аъзолари Тошкентдаги Британия мактабига ташриф буюришди
03 июн 2017 13:07
Янгиликлар
![](https://championat.asia/upload/storage/257402_original.jpg)
![](/upload/storage/257402_220.jpg)
“Локомотив” аъзолари Тошкентдаги Британия мактабига ташриф буюришди
Жамоа вакиллари ушбу таътилда ҳам “бўш ўтиришгани” йўқ. Бир кун олдин “Локо” футболчилари Республика онкология илмий марказида даволанаётган болаларни байрам билан табриклагани боришганди. Кеча эса бир қатор футболчиларимиз ва мураббийлар штаби Тошкентда жойлашган Британия мактабида бўлиб, у ерда таълим олаётган йигит-қизлар билан мароқли суҳбат қуришди.
Дастлаб ушбу мактаб ўқувчилари билан учрашув бўлиб ўтди. Учрашув аввалида Тошкентдаги Британия мактабининг икки нафар ўқувчиси “Локомотив” жамоаси ҳақида тайёрлаган тақдимот намойиш этилди. Сўнгра жамоамизда фаолият олиб бораётган австралиялик мутахассис Мирко Йеличич ҳамда бир неча нафар футболчиларимиз ўқувчиларнинг инглиз тилида берган турли мавзудаги саволларига жавоб қайтаришди.
Кейин эса мактабнинг футбол майдончасида ўқувчилар ҳамда “Локомотив” футболчилари ўртасида кўргазмали футбол ўйини ўтказилди. Ўйин жуда қизиқарли тарзда ўтди. Якунда эса Тошкентдаги Британия мактаби ўқувчилари таниқли футболчиларимиздан эсдалик учун дастхат олишди.
Ўхшаш янгиликлар
![AMP Logo](https://championat.asia/image/logo-amp.png)
Фикрлар