“Лион” спорт директори: “Ўйлашимча, Дембеле “Атлетико” билан келишувга эришади”

“Муса менинг олдимга келиб вазиятни тушунтирди. У жамоани алмаштириш айни вақти эканлигини айтди. Мен бундай бўлишини кутмагандим, у футболчи сифатида менга жудаям ёқади. Қайсидир футболчини мажбуран жамоада ушлаб туриш – вазиятдан чиқишнинг самарали йўли эмас. Биз “Атлетико” билан бу борада музокаралар олиб бораяпмиз, ўйлашимча, Дембеленинг ўзи улар билан аллақачон келишувга эришиб бўлган”, дея Жуниньонинг сўзларидан иқтибос келтирмоқда Goal.

Жорий мавсумда 24 ёшли Муса Дембеле “Лион” таркибида 16 та учрашувда майдонга тушиб, 1 та гол уришга эришди.