UZ

Сўнгги янгиликлар

03:03Клублар ўртасидаги ЖЧ. "Реал" "Боруссия"ни мағлуб этиб, ярим финалга чиқди, финал йўлидаги рақиб — ПСЖ  17 01:50"Арсенал" ва Мадуэке шартнома борасида келишиб олди. "Челси" билан музокаралар яқин кунларда бошланади  2 01:02Максим Шацких: "Афсуски, баъзи футболчиларимиз бундай даражадаги ўйинга тайёр эмас"  7 00:41"Челси" "Реал" ҳужумчиси учун 40 млн евро тўлашга тайёр  3 00:15Илёс Зейтуллаев: "Мен мураббийман, футболчининг шартнома масаласини клуб ҳал қилади"  0 23:41Асрор Алиқулов: "Иккинчи тайм учун йигитларга раҳмат айтаман"  1 23:22Миржалол Қосимов: "Иккинчи даврада ўзимизни кўрсатиб, аввалги мақомимизга қайтмасак бўлмайди"  2 23:10Клублар ўртасидаги ЖЧ. ПСЖ тўққиз киши бўлиб "Бавария"ни мағлуб этиб, ярим финалга йўл олди  163 22:50Аёллар. Ўзбекистон терма жамоаси Непални пенальтилар сериясида мағлуб этиб, 23 йиллик танаффусдан сўнг Осиё чемпионатига чиқди  4 22:10Качоррининг дубли "Бунёдкор"га "Андижон" устидан ғалаба тақдим этди  46 21:55Суперлига. ОКМК "Машъал" майдонида қийинчилик билан ғалаба қозонди  4 20:29"Челси" 48,5 млн фунтлик трансферни эълон қилди  6 19:46Ўзбекистон ва Непал дуранг ўйнаса нима бўлади?  5 18:06Деку ва Флик ҳозирда Рэшфорд трансферини кўриб чиқмаяпти. "Барса" Диасга эътибор қаратмоқда  2 17:30"Сен буни ўқийсан". Жотанинг энг яқин дўсти ҳалок бўлган футболчига мактуб ёзди  4

Ла Лига. ВАР томонидан "Реал"нинг голи бекор қилинган ўйинда "Барселона" ғалаба қозонди Янгиликлар

Ла Лига. ВАР томонидан "Реал"нинг голи бекор қилинган ўйинда "Барселона" ғалаба қозонди

Испания Ла Лигасида нафақат тур, балки бутун даврининг марказий учрашуви – "Барселона" ва "Реал Мадрид" ўртасидаги қарама-қаршилик якунланди..

"Барселона" – "Реал Мадрид" 2:1

Гол: 0:1 – 9, автогол Араухо,1:1 – 45 Сержи Роберто, 2:1 – 90 Кессиэ.

"Барселона" – тер Стеген, Араухо, Кристенсен, Кунде, Бальде, Серджи Роберто, Бускетс, де Йонг, Гави, Рафинья, Левандовски.

"Реал Мадрид" – Куртуа, Карвахаль, Рюдигер, Милитао, Начо (Менди, 62), Модрич, Кроос (Родриго, 62), Вальверде, Камавинга, Винисиус Жуниор, Бензема.

Огоҳлантиришлар: Начо (18), Рафинья (33), Сержи Роберто (65), Лука Модрич (69).

МАТНЛИ ТРАНСЛЯЦИЯ

ЯНГИЛАШ

Учрашув якунланди.

90+2. ГООООООООООЛЛЛЛЛЛ!!! Кессиэ ғалаба голини урмоқда!

90. Иккинчи бўлимга 5 дақиқа қўшиб берилди.

85. Асенсио яна дарвозани нишонга олиб кўрди, аммо бу сафар аниқлик етишмади.

83. "Барселона"да ўзгариш: Торрес Рафиньяни алмаштирди. 

81. ГООООООООООЛЛЛЛЛЛ!!! Асенсио тезкор қарши ҳужумни оҳиста зарба билан якунланди. Бироқ ВАР офсайдни қайд этди.


79. Бензема рақиб футболчиларининг хатосидан унумли фойдалана олмади. Тер Штеген ишончли ҳаракат қилди.

77. Роберто ўрнига Кессиэ қўшилди.

76. "Реал"да биратўла уч ўзгариш: Себальос, Тчуамени ва Асенсио ўйинга қўшилди, Камавинга, Модрич ва Вальверди майдонни тарк этди.

74. Рафиньянинг зарбасидан сўнг Куртуа яна ўз маҳоратини намойиш этди.

70. Винисиуснинг иккинчи бўлимда рақиб жамоага кўпроқ фойдасига тегмоқда.

69. Модрич рақиб ҳужумини тўхтатиб қолгани учун огоҳлантирилди.

67. Левандовски "қайчи" услубида ўтмас зарба йўллади.

65. Сержи Роберто Модрич либосининг сифатини текшириб кўргани учун огоҳлантирилди.

63. Родриго майдонга тушиши билан қулай имкониятдан фойдалана олмади.

62. "Реал"да ўзгаришлар: Начо ва Кроос ўрнига Менди ва Родриго туширилди.

61. Рюдигер ва Куртуа "Реал" мухлислари билан ҳазиллашди.

59. Левандовскининг зарбаси рақиб футболчисига тегиб, дарвоза ёнидан ўтиб кетди.

56. Вальверденинг ҳавога кучли зарба бериб, уни чап қанотга узатди.

54. Ниҳоят, мадридликлар ҳужумга ўтишди. Бир неча уринишларга қарамай, уларнинг зарбалари дарвозабонга қадар етиб бормади.

51. Иккинчи бўлим бошида каталонияликлар "собачка" ўйинини ўйнамоқда.

47. Вальверди қулай нуқтадан аниқ зарба бера олмади, унга пас берган Винисиус эса кўкраги билан чана сингари майдонда сирпанди.

46. Иккинчи бўлим бошланди.

45. ГООООООООООЛЛЛЛЛЛ!!! Сержи Роберто рақиб жарима майдонидаги саросимадан фойдаланиб, танаффусга иккла жамоанинг ҳам бошини эгмасдан чиқишини таъминлади.


44. Рафиньянинг узатмасидан сўнг Куртуа тўпга нисбатан бокчиларга хос ҳаракат қилади.

41. Начонинг чапақай эмаслиги бир неча вазиятда билиниб қолмоқда.

34. Куртуа Рафиньянинг зарбасидан сўнг премияна разигулик сейв амалга оширди.

33. Рафинья ҳисобни тенглаштирди! Огоҳлантириш бўйича.

31. Араухо бироз аввал уни йиқитган Начонинг юзини нишонга олиб, ўзининг аламини олди.

Ўртадаги инсон Ўзбекистон — Ироқ учрашувига боролмаганидан афсуслангандай ўтирибди.

27. Винисиус Кундени алдади, Арауходан қочди, аммо Тер Штегенга келганда тутилди. 

24. Кристенсиннинг бош билан йўллаган зарбасига рақиб дарвозаси торлик қилди.

20. Араухо шеригининг узатмасидан сўнг рақиб жарима майдонида Рамос бўлолмади.

18. Начо бутсасининг тишлари Араухонинг оёғини "тишлаб олди", ҳакам эса испаниялик ҳимоячини огоҳлантирди.

17. Винисиус чап қанотдагн олдинга борди ва Бенземага узатма амалга оширгач, "Ака, кечиринг" деб қўйди.

14. Бензема чап оёқда йўллаган зарбаси билан Кундени нокдаунга учратди.

13. Левандовскининг зарба бераман дея тўпга оёғини кўтарди ва бир лаҳзадан сўнг тўп ўрнига ўша нуқтада пайдо бўлган Карвахалнинг оёғини тепди.

9. ГООООООООООЛЛЛЛЛЛ!!! Араухо ҳисобни очди, аммо "Реал" олдинга чиқиб олди. Винисиуснинг узатмасидан сўнг уругвайлик ҳимоячи калла қўйди.


7. Рюдигернинг ўз жарима майдонидаги қайтарган тўпи рақиб дарвозаси томон зарбага айланиб кетди.

6. Рафиньянинг бош билан йўллаган зарбасидан сўнг Куртуа сакраб, тўпнинг жағига мушт тушириб, уни олисга учириб юборди.

3. Левандовскининг дастлабки уринишини Куртуа йўққа чиқарди. Бугун ўйин темпи уйқуларни қочириб юборадиганга ўхшаяпти. 

1. Қўлида ўзидан катта камерани кўтариб олган операторни стадиондан чиқиб кетишини кутишда ва Бенземани тўпга биринчи бўлиб тегинди, шу сўзни ёзиб бўлгунимча, Карим биринчи зарбани йўллашга ҳам улгурди.

Бугун "Барселона" кўк-қизил, "Реал" эса оқ рангли либосда ҳаракат қилади.

Жамоалар майдонга чиқиб келишди ва ирқчиликка қарши баннер ёнида биргаликда суратга тушишди.

Рейтинг: +49   

Фикрлар

championat.asia
< сўнгги янгиликларни кўриш
Яндекс.Метрика