"Кристал Пэлас" етакчиси Роналдунинг жамоадошига айланади

"Кристал Пэлас" вингери Уилфрид Заа Криштиану Роналду ўйнаётган "Ал Насср"га ўтади. Бу ҳақда журналист Руди Галетти хабар берди.

Манбага кўра, томонлар ҳамма нарсани келишиб олган. Яқин орада улар шартнома имзолайдилар. Футболчи Саудия Арабистони клубига текин ўтади, чунки унинг “бургутлар” билан келишуви 30 июнга қадар тузилган.

Заа "Кристал Пэлас" тарбияланувчиси бўлиб, у ерда 13 мавсум ўтказди. 30 ёшли ивуарлик футболчи сўнгги мавсум барча турнирларда 28 та ўйинда майдонга тушиб, 7 та гол ва 3 та голли узатмага муаллифлик қилди. Олдинги икки мавсумда у жамоанинг энг яхши тўпурари бўлганди.