Клопп: "Танқидчилар Нуньесга эрта баҳо бериб юборди"

Уругвайлик ҳужумчи "Манчестер Юнайтед"га қарши мавсумолди ўртоқлик ўйинидан сўнг (0:4) танқид остига олинганди. Бироқ футболчи "қизиллар"нинг навбатдаги рақиби "Лейпциг"га қарши баҳсда тўртта гол урди, шунингдек, Англия Суперкубоги доирасида "Манчестер Сити" (3:1) дарвозасини ишғол қилди. Қолаверса, АПЛнинг илк тури доирасида "Фулхэм" посбонини ранжитди.

"Беш ҳафта илгари мавсумолди тайёргарлик жараёнини бошлаганимизда ҳамда Дарвин илк ўйинида майдонга тушганда ёрқин таассурот қолдира олмади. Бироқ биз одамлар жуда тез хулоса чиқаришга шошиламиз. Ҳозир эса барча унинг иқтидорли ҳужумчи эканлиги ҳақида бонг урмоқда", — деди германиялик мутахассис.