UZ

Сўнгги янгиликлар

23:31УЕФА "Барселона" ва "Милан"га АҚШ ва Австралияда ўйин ўтказишга рухсат берди, лекин ташкилот миллий лигалар ўйинларини чет элда ўтказишни қўллаб-қувватламайди  0 22:31ФИФА президенти Ўзбекистон терма жамоаси бош мураббийини табриклади  12 22:00"Барселона" Араухони қанчага сотмоқчи?  3 21:36"Қайрат" бош мураббийи Калмурзага машина совға қилиниши ҳақида: "Агар ёрдам бермоқчи бўлсангиз – клубга автобус ёки микроавтобус совға қилинг. Бир кишини алоҳида ажратиш нотўғри, бу жамоавий спорт"  2 21:08"Марсель" "Реал" ҳужумчисини ижарага олмоқчи  1 20:01"Челси" "Ювентус" етакчиси учун 66 млн евро таклиф этди ва рад жавобини олди  7 19:39Гвардиола Родрининг янги жароҳати ҳақида: "Биз унга ғамхўрлик қилишга ҳаракат қилдик, аммо бўлар иш бўлди"  2 19:16Шенсни "Барселона"да биринчи марта мағлубиятга учради   1 18:55Уругвай терма жамоасининг Ўзбекистонга қарши ўйин учун қайдномаси маълум  31 18:27Ўзбекистон терма жамоаси машғулотларга киришди   17 18:16Алонсо Килиан Мбаппе жароҳат олганини маълум қилди  6 17:51Вальверде Ўзбекистон билан ўйинда қатнашмайдими?  0 17:24Фабио Каннаваро: "Шуни айта оламанки, мунидалдаги темп шунчаки даҳшатли" (матбуот анжумани)  62 17:16Ўзбекистонда ФИФАнинг Марказий Осиёдаги офиси иш бошлайди  3 17:07ЎФА Лёв ва Бенту билан музокаралар ўтказганини очиқлади  4

Иван Бошкович: "Кўрсатган жамоавий ўйинимиздан мамнуман. Футболчиларим атайин ётиб олишмади" Янгиликлар

Иван Бошкович: "Кўрсатган жамоавий ўйинимиздан мамнуман. Футболчиларим атайин ётиб олишмади"

Coca Cola Суперлиганинг 25-тури доирасида "Насаф" майдонидаги дурангдан кейин "Сўғдиёна" бош мураббийи Иван Бошкович фикрларини билдирди.

- Ўйинга жиддий тайёргарлик кўрдик. Яхши жамоага қарши тайёрланишга етарлича вақтимиз бор эди. Бу ерда ўйнаш осон бўлмаслигини билардик. Ўйиндан олдин барчага аён эдики, бугун бизга очколар жуда муҳим эди. Ўйин ҳақида гапирадиган бўлсам, биринчи бўлим тенг курашлар остида ўтди. Бизда ҳам вазиятлар бўлди. "Насаф" яққол устунлик қилмади. Биринчи бўлимдан мамнунман. Иккинчи бўлимда бизга катта босим уюштирилди. Натижа учун ўйнадик. Бизда вазият шуни тақозо қилди. "Насаф" бизни босим остига солиб қўйди, бироқ биз охиригача туриб бера олдик. Доимо шундай бор кучни бериб курашиш керак. Очко қўлга киритган футболчиларимни табриклайман. Бу биз учун яхши натижа. 

- "Насаф"га ғалаба учун нима етишмади деб ўйлайсиз?

- "Насаф" ўз вазифасини бажарган, жамоа совринли ўринни қўлга киритади ва келаси йили ОЧЛда ўйнайди. Ҳар мавсумда жамоанинг чемпион бўлиши учун нимадир етишмай қолади. Мен ҳам "Насаф"га тегишли бўлганман. Уларнинг чемпионлик вақти келади.

- Сиз "Насаф"да ўйнаган вақтлар ҳам чемпионликка нимадирлар етишмаган.

- Бу ерда факторлар кўп, улар натижага катта таъсир ўтказишган. Масалан, жароҳатлар, янги легионерлар жамоага кўникиб олгунча кўплаб хатолар қилинган. Балки навбатдаги мавсум улар учун омадли бўлар.

- Нега футболчиларингиз майдонда жуда кўп ётиб олишди?

- Фақатгина жароҳат бўлса ётишмоқда. Авйрим вазиятларда рақиблар кўпол ўйнаганида ҳакам жим бўлиб турди. Ҳеч қандай жарима бўлмаганини айтди. Футболчиларим атайин ётиб олди дея олмайман. У ерда қоида бузилиш ҳолатлари бўлгани аниқ. 

- Бугунги ўйинда ҳакамларнинг ўйинга таъсири қандай бўлди?

- Йилдан йилга ҳакамлик яхшиланиб келаётганди. Бироқ сўнгги вақтларда ҳакамлик борасида кўплаб эътирозларни эшитяпман. Агарда бирор жамоа лигада қолиш учун курашаётган бўлса-ю, унинг мағлубиятига таъсир қиладиган қарор чиқарилса, ҳақиқатдан ҳам бу ёмон ҳолат. "Бухоро" билан бўлган ҳолатда ачиндим. Биз йилдан-йилга барчаси яхши бўлиши учун ҳаракат қилишимиз керак. Ҳа, ўша хатолар атайин қилинмаган бўлиши мумкин. Факт бу факт.

- "Сўғдиёна" ушбу мавсум ўз имкониятларидан паст ўйнамоқда. Бунинг сабаби нимада?

- Жамоани кучсиз деб бўлмайди. Жамоанинг етакчиларсиз қолиб, кўрсатган ўйинидан мамнунман. Биз футбол ўйнашга, рақобатбардош бўлишга ҳаракат қилдик. Мағлуб бўлган кўплаб ўйинларимизда индивидуал хатолар сабаб бўлди. Коллектив ўйин бизда ёмон бўлмаган. Чунки яхши вазиятлар яратдик, кўплаб зарбалар бердик, тўпни ушлаб турдик, буларнинг статистикалари бор. Келаси йил учун пойдевор яратиб олдик. Бу ҳам жараённинг бир қисми. Ушбу мавсумда бир иш қилиб, келаси мавсумда барчасини бошидан бошлайдиган одам эмасман. Жамоа келаси йили янада яхшироқ бўлиши керак. Ушбу мавсумда кўплаб ёшларга имкон бердик, улар тажриба тўплаб олишди. Бизда келаси йил учун пойдевор бор. Айрим футболчилар ушбу мавсумдагидан кўра яхшироқ ўйнай олишади.

Рейтинг: -2   

Фикрлар

championat.asia
< сўнгги янгиликларни кўриш
Яндекс.Метрика