Илдар Сакаев: “Барчага раҳмат!”
13 май 2015 11:05
Янгиликлар

Илдар Сакаев: “Барчага раҳмат!”

Ўзбекистон Биринчилигининг 1-босқич, 8-туридан ўрин олган “НБУ-Осиё” – “Оқ-тепа” жамоалари ўртасидаги беллашув якунлангач, меҳмонлар устози Илдар Сакаевнинг фикрлари билан қизиқдик.

- Бугунги ғалаба учун футболчиларга миннатдорчилик билдираман! Улар ўз характерларини кўрсатишди. Жиддий рақибга қарши ҳисобдан келиб чиққан ҳолда тўғри ўйнай олишди. Бу ерда тактик ёндошувни назарда тутяпман. Қолаверса, бугун кўрганингиздек, тез тиббий ёрдам машинасини кутиб қолганимиз боис, ўйин 25 дақиқага кечроқ бошланди. Табиийки, бу ҳам ҳар қандай жамоа аъзоларини руҳиятига салбий таъсир қилади. Лекин бизда бундай бўлгани йўқ.

Шунингдек, футболнинг ашаддий шинавандаси бўлгани клубимиз раҳбарларига, бизни трибунада ўтириб қўллаб-қувватлаб турган кам сонли бўлса-да, содиқ мухлисларимизга ҳам раҳмат айтаман! Уларнинг далдаси ҳам ғалабамизга муҳим омиллардан бўлди.

Ҳавола :

Манба : oq-tepa.uz

Янгиликларни Телеграмда ўқинг!

Рейтинг: