Икарди АПЛдан тушган таклифни рад этди

"Football Italia" хабарига кўра, аргентиналик футболчи "канонирлар"дан тушган таклифга ўйлаб ўтирмай рад жавобини берган. У Лондон жамоаси раҳбариятига "Ювентус" билан келишиб қўйганини айтган.

Қайд этилишича, "Арсенал" Икарди учун Пьер-Эмерик Обамеянгни бериб юборишга тайёр бўлган.

Эслатиб ўтамиз, Икардининг "Интер" раҳбарлари билан муносабатлари ёмон бўлгани учун сардорлик боғичидан маҳрум этилганди. Яқин вақтларда у жамоани тарк этиши кутилмоқда.