Иҳор Корсун: "Голларимни мамлакатимизни ҳимоя қилаётган қуролли кучларимизга бағишлайман"

"Бугун, энг муҳими, ижобий натижага эришдик, яъни ғалаба қозондик. Чунки 1-турда Аргентинага қарши йирик ҳисобдаги омадсиз мағлубиятдан кейин ўзимизга келиб олишимиз керак эди. Шу боис бугун ғалаба қозонганимиздан жуда хурсандман.

Бугун бизни чин дилдан қўллаб-қувватлаган мухлисларимизни хурсанд қила олганимиздан жуда миннатдорман. Украинада оғир вазият ҳукм сурмоқда. Шу боис голларимни мамлакатимизни ҳимоя қилаётган қуролли кучларимизга бағишлайман.

Турнир фаворитларини аниқ айтолмайман. Ўйлашимча, кутилмаган ҳодисалар рўй беради. Турнирда барча жамоалар кучли, шу боис фаворитларни бармоқ билан санаб бўлмайди.

Биз истиқомат қилаётган Тошкент шаҳри жуда гўзал, ростини айтсам, бундан ҳайратда қолдим. Бу ерни мутлақо ўзгача тасаввур қилардим, аммо фикрим ўзгарди. Чиндан ҳайратдаман", деди бугунги ўйинда дубль қайд этган футзалчи.

Оқил Абдубарноев суҳбатлашди.