Ибрагимович: "Интер" биринчи бўлимда 2-ўриндаги жамоага ўхшамади"
10 фев 2020 12:51
Янгиликлар

Ибрагимович: "Интер" биринчи бўлимда 2-ўриндаги жамоага ўхшамади"

Теглар : Интер Милан А Серия Златан Ибрагимович

"Милан"нинг 38 ёшли ҳужумчиси Златан Ибрагимович "Интер"нинг ғалабаси (4:2) билан якунланган Милан дербисидан сўнг фикрларини билдириб ўтди.

Златан дербида битта гол урди ҳамда битта голли пас берди.

Интер М

Марсело Брозович - 51', Матиас Весино - 54', Стефан де Врей - 70', Ромелу Лукаку - 90'

Серия А . 23-тур

10/02/2020, 00:45

Тугади

Милан

Анте Ребич - 40', Златан Ибрагимович - 45'

Стадион: Giuseppe Meazza, 75817 томошабин

Бош ҳакам: Fabio Maresca

45'

90'

Матч-центрда очиш

"Нима бўлганини тушунтириш қийин. Танаффусда ўзимизга дастлабки 15 дақиқа ҳал қилувчи бўлишини айтгандик ва айнан ўша вақт ичида иккита гол ўтказиб юбордик. "Милан" ишонишдан, прессинг қилишдан ва ўйнашдан тўхтади. Танаффусдан кейин бизнинг ўйинимиз "қулади". Ўйлашимча, ҳаммаси тажрибага боғлиқ. Чунки, 2:0 ҳисобида олдинда бораётганингда ўйинни назорат қилишни билиш керак.

"Милан" биринчи бўлимни деярли идеал ўтказди. "Интер"дан кўпроғини кутгандим, улар биринчи бўлимда 2-поғонада бораётган жамоага ўхшашмади. Улар танаффусдан сўнг ўзларини кўрсатишди", - дея Ибрагимовичнинг сўзларини келтирди "Sky Sport Italia".

Златан жорий мавсум "Милан" таркибида 6та ўйинда иштирок этди ва 3та гол уриб, битта голли пас берди.

"Ювентус"нинг "Верона"дан учраган мағлубияти (1:2)дан фойдаланиб қолган "Интер" 54 очко билан биринчи ўринга кўтарилиб олди. "Кекса синьоралар"да ҳам шунча очко бор, лекин тўплар нисбатига кўра миланликлар олдинда. "Лацио" эса 53 очко билан учинчи ўринда. "Милан" эса 32 очко билан 10-поғонада бормоқда.

Италия чемпионати турнир жадвали >>>>> А Серия

Ҳавола :

Манба : sport.sky.it

Янгиликларни Телеграмда ўқинг!

Рейтинг: +12