Ҳамиджон Актамов: "Ғузорга яқин йўлда автобусимиз бузилиб қолганда "Сурхон" ёрдам кўрсатмай олдимиздан ўтиб кетди..."
29 авг 2019 14:19
Янгиликлар

Ҳамиджон Актамов: "Ғузорга яқин йўлда автобусимиз бузилиб қолганда "Сурхон" ёрдам кўрсатмай олдимиздан ўтиб кетди..."

«Сурхон» - «Қизилқум» (2:0) учрашувидан кейинги матбуот анжумани навоийликлар бош мураббийи Ҳамиджон Актамов ўйин олди юзага келган қатор муаммолар ҳақида гапирди.

Бу ҳақда "Сурхон" клуби матбуот хизмати хабар қилди.

- Мен бугунги ўйин ҳақида фикр билдиришдан олдин, Термизга келишимиздаги қийинчиликлар ҳақида гапириб ўтмоқчи эдим. Биз Ғузорга яқинлашганимизда йўлда автобусимиз бузилиб қолди. Анча вақт йўлда ушланиб қолдик.Шу вақтда «Сурхон» жамоаси автобуси ёнимиздан ўтиб кетди. Ўйлашимча, «Сурхон» бизга ёрдам кўрсатиши керак эди. Термизда меҳмонхона топишда ҳам муаммоларга дуч келдик. Деярли, барча меҳмонхоналар банд. Мана шу сабаблар ўйинга таъсир кўрсатди деб ўйлайман. Футбол бу - дўстлик.
Ўйин ҳақида тўҳталадиган бўлсам, бугун 70 дақиқа яхши ҳаракат қилдик. Қулай имкониятлардан фойдалана олмадик. «Сурхон» ўзига яратилган имкониятлардан фойдаланиб, ғалабани қўлга киритди.
Ҳакамларга эътирозим йўқ. Улар ўйинни яхши бошқариб бордилар.
Сурхондарё халқини бугунги ғалаба билан табриклайман.

P.S. Термизда «ҳалқаро форум» ва Термиз шаҳрида Ўзбекистон Республикаси Мустақиллигининг 28 йиллик байрам тадбирлари бўлганлиги сабаб, Термиздаги барча меҳмонхоналарда жой билан боғлиқ муаммолар юзага келган.

Ҳавола :

Манба : championat.asia

Янгиликларни Телеграмда ўқинг!

Рейтинг: +13