"Реал Мадрид" клуби собиқ футболчиси Гарет Бэйл профессионал гольф турнирида дебют қилди. Собиқ футболчи АҚШда ўтказилаётган AT&T Pebble Beach Pro-Am турнирида қатнашмоқда.
Бэйл ушбу масобақада америкалик профессионал гольфчи Жозеф Брамлетт билан бирга жуфтликда ҳаракат қилмоқда. Мусобақанинг биринчи кунидан сўнг Бэйл ва унинг шериги 18-ўринни эгаллаб туришибди.
Уэльслик спортчи гольф тўпини сўнгги нуқтага туширишга умумий ҳисобда 65 та зарба сарфлади.
Маълумот учун, ушбу мусобақада профессионал спортчилардан ташқари 156 нафар ҳаваскор қатнашмоқда.
