Футзал. U-20 Осиё чемпионати. Ўзбекистон биринчи саватчадан жой олди
20 фев 2017 13:39
Янгиликлар
![](https://championat.asia/upload/storage/241174_original.jpg)
![](/upload/storage/241174_220.jpg)
Футзал. U-20 Осиё чемпионати. Ўзбекистон биринчи саватчадан жой олди
Қуръа ташлаш маросими Таиланд пойтахти Бангкок шаҳрида бўлиб ўтади. Жамоалар 2016 йили Тошкентда бўлиб ўтган футзал бўйича Осиё чемпионатида қайд этган натижаларига қараб 5та саватчага ажратилди.
Ўзбекистон U-20 терма жамоаси дастлабки саватчадан жой олди. Шунингдек, ушбу саватчадан Эрон, Таиланд ва Вьетнам ёшлар термаси ҳам ўрин олган
21 терма жамоа тўртта гуруҳга бўлинади. Битта гуруҳда 6, қолган уч гуруҳда 5тадан жамоа плей-офф босқичи учун курашади. Гуруҳларда 1–2-ўринларни эгаллаган жамоалар чорак финалга йўл олади.
Эслатиб ўтамиз, футзал бўйича U-20 Осиё чемпионати 2017 йилнинг 9–21 май кунлари Таиландда ўтказилади.
1-саватча: Эрон, ЎЗБЕКИСТОН, Таиланд, Вьетнам.
2-саватча: Япония, Ироқ, Қирғизистон, Қатар.
3-саватча: Ливан, Саудия Арабистони, Хитой Тайпеи, Тожикистон.
4-саватча: Хитой, Малайзия.
5-саватча: Афғонистон, Баҳрайн, Бруней, Гонконг, Мьянма, Мўғулистон, БАА.
Ўхшаш янгиликлар
![AMP Logo](https://championat.asia/image/logo-amp.png)
Фикрлар