Франция Евро-2016 саралашида иштирок этади

Ташкилотчилар УЕФАнинг 54та жамоасини 8та гуруҳга ажратилишини маълум қилишди. Барча гуруҳларда 6тадан иштирок этади (фақат биттасида 5та).

Франция айнан бешта жамоа бўлган гуруҳдан жой олади ва саралашда иштирок этади. Фақат унинг натижалари ҳисобланмайди ва очколар қўшилмайди. Сабаби Франция мезбон бўлгани учун мусобақага йўлланма олиб бўлган.

Эслатиб ўтамиз, Евро-2016да 24 та миллий терма жамоа иштирок этади. Саралашда ўз гуруҳида биринчи ва иккинчи ўринни эгаллаган жамоалар ва битта энг яхши натижага эришган учинчи ўриндаги жамоа финал босқичига йўлланма олади.

Қолган учинчи ўринни олган жамоалар эса плей-офф босқичида иштирок этишади, деб хабар бермоқда Football Italia.