"Фиорентина"ни икки етакчи футболчиси тарк этди

Италиянинг "Фиорентина" клубини Мартин Касерес ҳамда Франк Рибери тарк этди. Клуб Касереснинг шартномаси якунлагач, шартномани узайтиришни истамаган.

34 ёшли уругвайлик футболчи 2019 йилдан бери 61 учрашув ўтказиб, 4 гол киритган.

Шунингдек, жамоанинг яна бир етакчиси Франк Рибери ҳам "бинафшаранглилар"ни тарк этгани ҳақида хабар берилди. Рибери янги шартнома борасида клуб билан келиша олмагани айтилган.

38 ёшли ярим ҳимоячи клуб сафида 51 учрашувида майдонга тушиб, 5 гол урган ҳамда 10 та голли узатмани амалга оширган.