Эмилиано Сала учган самолёт топилди!

"Кардифф Сити"га ўтган, лекин ҳали бирор марта янги жамоаси шарафини ҳимоя қилишга улгурмаган Эмилиано Сала ҳақида хабар тарқалди. Sky Sports нашрининг тасдиқлашича, ҳалокатга учраган самолёт топилган ва бу ҳақда Саланинг оила аъзоларига маълум қилинган.

Қутқарув хизмати Сала ва учувчининг тирик эканлигига ишониш қийин деб ҳисобламоқда. Кузатувчиларнинг маълумот беришига қараганда, ҳаво кемаси сувга қулаган. Совуқ даражали сув ҳарорати сабабли уларнинг тирик қолиши иложсиз дея таъкидлаб ўтилган.

Ҳали расман тасдиқланмаган бўлса-да, Саланинг тирик эмаслиги ойдинлашиб бормоқда. 

Аргентиналик 29 январь куни "Кардифф" сафида "Арсенал"га қарши ўйнаши керак эди. Аммо, "Нант" жамоасидан кетган кунининг эртасига Сала ўтирган хусусий самолёт Норманд ороллари яқиинига қулади ва ўшандан бери қидирув ишлари давом этиб келаётганди.