UZ

Сўнгги янгиликлар

11:01Бугун намойиш этиладиган футболга оид кўрсатувлар жадвали (Спорт ТВ, Матч ТВ, Футбол ТВ)  1 10:39Невилл: "МЮда бегона ўтлар бор, улардан қутилиш керак"  9 10:30Шавкат Саломов: "Сурхон"да тенг кучли 22 футболчи йўқ"  4 09:50Абдужамол Исроилов: "Узоқ йўл босиб Фарғонага келган мухлисларга раҳмат"  4 09:45Мбаппе “Реал” ҳақида гапирди   5 09:30Артур: “Барселона”да бунчалик кўп ўйнайман деб ўйламагандим”   5 09:15Мбаппе Франция чемпионатининг бир мавсумида 30 та гол урган энг ёш ўйинчи бўлди   4 09:10Бугун 21:00. "Ал Садд" - "Пахтакор"  61 09:00Леонарду Жардим: “Ўйин тақдирини Мбаппе ҳал қилди”   1 08:54"Сўғдиёна" - "Металлург" 2:1. Барча голларни томоша қилинг  1 08:44Бугун 18:00. "Локомотив" - "Ал Иттиҳод"  10 08:41Унаи Эмери: “Ҳаммаси “Арсенал”нинг ўзига боғлиқ”   3 08:20Карим Бензема: “Зиданнинг қайтиши биз учун кўп нарсани англатади”   2 08:02Модрич “Реал” сафидаги 300-ўйинини ўтказди   2 07:42Бензема “Реал” сафида ўзининг энг яхши иккинчи натижасини қайд этмоқда   1

Элмурод Абдуллаев: "Бойсунда Европа стандартлари асосида футбол академиясини қуриш учун ер олдик" Янгиликлар

Элмурод Абдуллаев: "Бойсунда Европа стандартлари асосида футбол академиясини қуриш учун ер олдик"

Теглар :  Бойсун
Илк маротаба Бойсун томонларга йўлим тушганига ҳам 2 йил бўлди.

3 йиллар илгари бу ерда маҳаллий тадбиркорнинг ташаббуси билан кичик арена қурилган эди. Туманда йўқ бўлиб кетган футболга жон киргандек бўлди, аниқроғи болалар футболига. Ўз пайтида Сурхондарё футболи Республикамизнинг етакчилари қаторида эътироф этилгани ҳеч кимга сир эмас.

Ҳудуддаги болалар футболи Абдуллаевлар оиласининг ташаббуси билан яна янги ниҳол каби ўсишни бошлаётгани мени қувонтирди. Инаттулла отанинг яна уч нафар ўғиллари, Дилмурод, Ўткирбек ва Камолиддин ҳам футболга бефарқ эмаслар. Тошкентда бўлиб ўтадиган мусобақаларимизда ҳам бойсунликлар имкон қадар кўпроқ иштирок этишга ҳаракат қиладилар. 2017 йил Кико Зунига билан ҳудудга келганимизда, испаниялик мутахассис ҳайрон қолган эди. "Қандай қилиб кичик қишлоқда, бунчалик кўп истеъдод бўлиши мумкин", - дея ўйланиб савол берган эди. Ҳақиқатдан ҳам бу ерга сармоя киритса, яхши футболчилар кўп чиқади. Энг муҳими, бу ишлар бошланди.

Элмурод ва Фазлиддин Абдулллаевларнинг ташаббуси билан ўтказилинаётган "Бойсун тоғлари" кубоги мусобақасига ташриф буюрганимда, энг қувонарлик эшитган хабарим, янги академияни бунёд этиш учун вилоят ҳокимлигидан ер майдони ажратилгани бўлди. Аввалги сафар келганимда, ер бўлса, қурилиш бошлаш ниятида эканликларини айтишган эди. Ният холис эмасми, вилоятнинг собиқ ҳокими Эркинжон Турдимов томонидан ер ажратилди. Амалдаги ҳоким Баҳодир Пўлатов ҳам ўз ёрдамини аямаслигини билдириб ўтган.

Элмурод ака билан кўп маротаба болалар футболи ҳақида гаплашамиз. Гарчанд ўзи пойтахтда яшасада, Бойсунда футбол бўлсин дейди. Сурхондарё жамоаси кучлилар қаторида ўйнаса дейди. Албатта бундай инсонларга амалий ёрдам қўлини чўзиш барчамизнинг бурчимиз. Бойсуннинг ҳавоси ва ундаги табиий гиёҳларни керак бўлса бозордан топа олмайсиз. Бу ерда барчаси табиий. Шунинг учун ҳам мени ўзимда ҳам мазкур ҳудуд болалар футболини кўтаришда қатнашгим бор. Бу ердан чиқиши мумкин бўлган кучли футболчиларни олдиндан кўра билсак бўлгани.


Қисқаси қурилиш бўлиши керак бўлган ҳудудга ташриф буюрдик, ўша ерда қисқача интервью олдим.

- Футболга бунчалик мехр қаердан тушди?
- Ўғлимни "Локомотив" жамоасига берганман. Унинг кетидан бормаган жойим қолмади. Кўрдим, изландим ва ўргандим. Бу ерда кенжамиз Фазлиддин ҳам футбол мураббийи бўлиш истагида юрганди. Футболчи бўлиш насиб этмади. Шунда "Газа" деган кичкина база қурдик, ёнида сунъий майдони бор. Бошида кутмаган эдик, футболга келишни истаганлар шу даражада кўп экан, бир неча ёш тоифада жамоалар йиғилди. Шундан кейин қизиқиш яна ортди.

- Чекка туманда катта пул тикиш, таваккалчилик эмас дейдиганлар кўп...
- Тўғри айтасиз. Шу сунъий майдон ўрнига бирорта бизнес қилсанг бўлмайдими, деганлар ҳам кўп бўлган. Лекин биз ўзимиз туғилиб ўсган туман учун жонимизни бермасак, бошқалардан нима кутамиз. Биз эмасми ҳудудни обод қилиши керак бўлган инсонлар. Ҳамма нарса болалар футболидан бошланади. Ҳозир биз уларга туртки бериб юборайлик, йиллар ўтиб уларни ўзи сармоя олиб келадилар.

- Академия қандай кўринишда бўлади?
- Бунинг учун ҳозирданоқ Европа андозасини ўрганишни бошлаб юбордик. Келаси йилнинг бошида укамни Европага малака оширишга юбораман. Режамизга кўра 2 йил ичида замонавий академиямизни қуриб битказамиз. Академия нафақат футболчи тарбиялаш, балки Республика бўйича кўплаб мусобақаларни ўтказишга ҳам иҳтисослашади. Бойсунни кўпчилик ҳали билмайди. Бойсунга швейцарияликлар ҳавас билан қарайдилар. Бу ердаги тоғ ва шар-шаралар, табиий сувлар. Қисқаси, Бойсунни футбол орқали ҳам дунёга танитишни мақсад қилганмиз. Келаси йилда иккинчи лигага жамоа қўйишни режа қилганмиз. Базамиз қуриб битказилгач албатта биринчи лигада ҳам жамоамиз бўлади.


Мазкур ерда икки йил ўтиб замонавий футбол майдони ва академия қуриб битказилиниши кўзда тутилган

Муаллиф : Nadirkhuja Yuldashev
Рейтинг: +30   

Фикрлар

championat.asia
< сўнгги янгиликларни кўриш
������.�������

CA ни Facebook да ўқиш
учун "Yoqdi"ни босинг