"Ал Аҳли" устози: "Дурангдан қониқмадик, аммо натижа адолатли бўлди. Бу каби атмосферани маҳаллий чемпионатда доим ҳам кўравермаймиз"

- Ўйин ҳақида

- Биз ғалаба қозонмоқчи эдим, охиригача курашдик. "Андижон"га қойил, улар яхши ҳимояланишди, жуда тартибли ўйин кўрсатишди. Бир очкодан қониқмадик, аммо бу адолатли натижалар бўлди. Икки жамоада ҳам имкониятлар бўлди, ўйин охирида тўлиқ устунликка эга бўлдик. Албатта, майдон ҳолати бизнинг ўйинга мос эмас эди. Пас билан ўйнашда қийинчиликлар юзага келди. Бу натижани қабул қилишимиз керак, уйдаги учрашувларда ғалаба қозонишимиз лозим. Мухлисларга қойил, улар ажойиб атмосфера ҳосил қилишди. Икки жамоа ҳам очкога муносиб эди. 

- Юлиан Дракслер бошланғич таркибда майдонга тушмади, бунинг сабаби нима бўлди?

- Бунинг сабаби у лигадаги охирги ўйиндан кейин бироз муаммога дуч келди. Футболчининг соғлиғи муҳим бўлгани сабабли биз таваккал қилишни хоҳламадик. Шунинг учун Дракслер захирада қолди. 

- "Андижон" мухлислари ҳақида фикрингиз қандай?

- Жуда ажойиб. Буни кеча ҳам айтдим. Бизни бу шаҳарда ажойиб кутиб олишди. Рақиб жамоага бундай меҳмондўстлик учун миннатдорчилик билдирамиз. Учрашувда ҳам андижонлик мухлислар ажойиб муҳим яратиб беришди. Биз бу каби ҳолатни ўз чемпионатимизда кўп ҳам кўравермаймиз. Шундай экан бу биз учун зўр ўзгариш бўлди. Қойил деб қоламан. 

- Бугун захирадан майдонга туширган ўйинчиларингиз учрашувни қанчалик ўзгартира олишди?

- Юлиан учрашувга қўшилганда у жамоа ўйинини ўзгартириб юборди. Бошқа ўйинчилар эса унчалик ҳам кўп вақтга эга бўлишмади. Иккинчи бўлим биз ўйинни бошқардик. Бир очкога рози бўлмасак ҳам буни қабул қилишимиз лозим. Баъзида жуда кўп ҳужум қилиб, рақибга бўш ҳудуд қолдирилади ва бундан панд ейиш мумкин. Шу нуқтаи назардан қаралса, очко олганимиз ҳам ёмон натижа эмас аслида.