"Динамо" стадионида ҳозирча фақат майдон янгиланди холос

"Бироқ майдонни мана шундай ҳолга келтирганларга ҳали пул берилмагани ҳақида хабар келди. Бундан ташқари майдон атрофи ҳамон асфальт экан. Суперлигада ҳеч қайси майдон атрофи асфальт эмас, югуриш йўлаги бор стадионларда резина қоплама қилинган ва бу майдонни ўзи хоҳламаган ҳолда тарк этган футболчининг жароҳат олишини олдини олади.

Тез орада техник зоналар, трибуна ва прожектор бўйича ҳам ишлар амалга оширилиши кутилмоқда. Бу ишлар қанчалик тез қилинса самарқандлик ашаддий футбол мухлислар шунчалик тез ўз севимли жамоаси иштирокидаги ўйинни "Динамо" стадионидан туриб томоша қила олишарди. Сабаби Самарқандда ҳам ажойиб ва шинаванда мухлислар жудаям кўп", - деб ёзади Нарзулла Сайдуллаев телеграмдаги ўз каналида.