“Бунёдкор” ФК веб-сайти янги кўринишда!

Хабарингиз бор, “Бунёдкор” футбол клуби ташкил этилганидан бошлаб ҳар жабҳада бошқаларга ўрнак бўладиган ишларни бажариб, ҳақиқий профессионал клубларга хос тарзда фаолият юритиб келади.

Клуб матбуот хизмати ОАВ ходимлари билан илиқ ва мустаҳкам алоқа ўрнатишдан ташқари, учрашувлар мобайнида уларга қулай шарт-шароитлар яратиб келади. Шунингдек, жамоамиз “Бунёдкор” мухлислар учун ўйнайди!” шиорига доимо амал қилган ҳолда мухлислар манфаатини доимо устивор вазифа этиб қўяди.

“Бунёдкор” футбол клубининг янги веб-сайтида ҳар жабҳада замонавийликка урғу берилган. Сайт зиёратчиларининг қулай дастурлаштирилган ахборот манбасидан клубимизга оид хабарлардан ўз чанқоқларини қондиришига шубҳамиз йўқ.

www.bunyodkor.com ва www.fcbunyodkor.com домейнларида фаолият юритувчи “Бунёдкор” футбол клуби расмий веб-сайтига ташриф буюринг ва янги кўринишдаги нашримизга баҳо беринг.