Бундеслига. Марказий ўйин ва "Фольксваген-Арена"даги тўқнашув ҳақида (превью)
23 май 14:33
Янгиликлар

Бундеслига. Марказий ўйин ва "Фольксваген-Арена"даги тўқнашув ҳақида (превью)

Теглар : Бундеслига "Боруссия Дортмунд""Байер"

"Боруссия М" - "Байер", "Вольфсбург" - "Боруссия Д" ўйинлари ҳақида батафсил тўхталамиз.

Бугун “Вольфсбург” “Фольксваген-Арена”да “Боруссия Д”ни қабул қилади. Жамоалар рестартни ғалаба билан бошладилар, аммо бу ўхшашлик шу жойга келиб тугайди. Мезбонлар дортмундликларга катта қаршилик кўрсата олмайдилар. Ҳа, "Боруссия" сафарда ўз уйидаги каби енгилмас даражада ҳаракат қила олмайди, меҳмондами ёки уйдами бу фарқ унчалик муҳим эмас, айниқса, ҳозирги вақтда.

Вольфсбург

Бундеслига . 27-тур

23/05/2020, 18:30

Тугади

Боруссия Дортмунд

Рафаэл Геррейру - 32', Ашраф Хакими - 78'

Стадион: Volkswagen Arena, 0 томошабин

Бош ҳакам: Daniel Siebert

45'

90'

Матч-центрда очиш

Меҳмонлар ушбу рақибга қарши ажойиб статистикага эга – "Вольфсбург" Бундеслигадаги ўзаро сўнгги олти ўйинда рақибдан очко ололмаган ва ҳатто гол ура олмаган.

Ҳозир жамоанинг энг яхши тўпурари Ваут Вегорст сафга қайтмоқда, балки энди мезбонлар ҳам гол уриши мумкин бўлар. Яна алоҳида таъкидлаб ўтиш керакки, Вегорст ҳали дортмундликлар дарвозасига йўл топа билмаган.

"Вольфсбург" етти ушрашувдан бери ютқазмаяпти.
"Боруссия" 2020 йилдаги тўққиз учрашувнинг саккизтасида ғалаба қозонган.
Вольфсбург иккинчи даврадаги олтита голни бош билан урган. Бундан ташқари, саккизта гол ўтказганини унутмаслик лозим.
"Боруссия Д" "Вольфсбург"даги сўнгги тўртта ўйинда ғалаба қозонган; "Бўрилар" кетма-кет бешта уй ўйинларида ютқазишмаган.

"Боруссия Д" – ҳозирги пайтда уч ўйинчиси 10 тадан ошиқ гол урган Холанд (10), Ройс (11), Санчо (14) ягона жамоа.

Жамоалар шу пайтгача ўзаро 45 марта тўқнаш келишган. Шулардан 25 тасида “Боруссия” зафар қучган бўлса, “бўрилар” 9 та ўйинда ғалабага эришган, дуранглар сони - 10 та.

Тахминий таркиблар

Турнинг марказий ўйинида икки ажойиб мураббийнинг қойилмақом жамоалари ўзаро учрашишади: "Боруссия М" - "Байер". Бу ўйин Чемпионлар лигаси йўлидаги кураш бўлади.

Боруссия Мёнхенгладбах

Маркус Тюрам - 52'

Бундеслига . 27-тур

23/05/2020, 18:30

Тугади

Байер Леверкузен

Кай Хэверц - 7', Кай Хэверц - 58', Свен Бендер - 81'

Стадион: Borussia-Park, 0 томошабин

Бош ҳакам: Soeren Storks

45'

90'

Матч-центрда очиш

Марко Розе ҳозирда Бундеслига мураббийлари орасида энг яхши кўрсаткичга эга, яъни ҳар бир ўйинда ўртача 2 очкодан тўплаган.

Петер Бошда бундай натижа йўқ, аммо у сўнгги йилларда "Байер"нинг энг яхши ўйинларини "қурди". Унинг жамоаси тўпга жуда кўп вақт эгалик қилади, стабил ўйин кўрсатган ҳолда доимий равишда голлар уриб туради ва ҳатто ҳужумчисиз ҳам сифатли ўйнашга қодир.

"Байер" кетма-кет 10 учрашувдан буён ютқазмаяпти. Ҳужумчи Кай Хавертц эса бу мавсум жуда яхши формада, бежизга гранд клублар уни сотиб олишга ошиқишмаяпти.

"Боруссия М" у даражада мақтана олмайди, шунингдек, улар майдон марказида ҳали ҳам улкан муаммога дуч келишмоқда – жамоа асосий ярим ҳимоячиси Денис Закария жароҳатда.

Хурсанд қиладиган тарафи, жамоанинг ҳужум чизиғидаги вакили Маркус Тюрам ёрқин ўйинлари орқали етакчилардан бирига айлана олди.

Бу ўйин тўғридан тўғри Чемпионлар Лигаси учун кураш эканлигини инобатга олсак, бугун даҳшатли жанг гувоҳи бўламиз. Бу каби баҳсларда ҳамма жамоалар учун очко тўплаш жуда муҳим. "Байер" ғалаба қозонса, жадвалда рақибдан олдинга ўтиб олиши мумкин, "Боруссия М" ютадиган бўлса, сезиларли фарқ билан илгарилаб кетади.

Клублар шу пайтгача барча турнирларда 51 марта ўзаро баҳслашган. Шулардан 22 тасида “Байер” зафар қучган бўлса, “Боруссия М” 10 бор ҳалаба қозонган, 19 та ўйинда эса дурангга имзо чекилган.

Бугунги ўйин қандай натижа билан якунланишини аниқлаш мушкул масала, чунки бу ўйинда яққол фаворит мавжуд эмас.

Умуман олганда, ушбу қарама-қаршилик ҳар доим голларга бой ўтади, шундай экан, бу ўйинни ўтказиб юборманг!

Тахминий таркиблар

Бундеслига, 27-тур ўйинлари жадвали:

22 май, жума.
"Герта" — "Унион" 4:0
23 май, шанба.
"Фрайбург" — "Вердер" (18:30)
"Падеборн" — "Хоффенхайм" (18:30)
"Боруссия М" — "Байер" (18:30)
"Вольфсбург" — "Боруссия Д" (18:30)
"Бавария" — "Айнтрахт" (21:30)
24 май, якшанба.
"Шальке" — "Аугсбург" (16:30)
"Майнц" — "Лейпциг" (18:30)
"Кьёлн" — "Фортуна" (21:00)