Бугун Ўзбекистон ЖЧ саралашларидаги 80-учрашувда майдонга тушади
17 ноя 2015 18:41
Янгиликлар

Бугун Ўзбекистон ЖЧ саралашларидаги 80-учрашувда майдонга тушади

Ўзбекистон миллий терма жамоаси бугун 2018 йилги Жаҳон чемпионати саралаши доирасида Яман меҳмони бўлади.

Бу ўйин Ўзбекистон учун Жаҳон чемпионати саралашлари доирасидаги 80-учрашув бўлиб тарихга киради.

Ҳозирга қадар бўлиб ўтган 79та ўйинда вакилларимиз 40 марта ғалабага эришишган. 17та учрашувда дуранг қайд этилган ва 22 бор рақибларга имконият бой берилган. 152та гол урилган ва 87та гол ўтказиб юборилган.

Бугунга қадар Ўзбекистон терма жамоаси ЖЧ саралашларида жами 26та терма жамоага қарши майдонга тушган. Улар орасида Жанубий Корея, Япония ва Қатарга қарши энг кўп (6тадан) ўйин ўтказилган.

Маълумот учун, Ўзбекистон терма жамоаси Жаҳон чемпионати саралашидаги илк ўйинни 1997 йил айнан Яман терма жамоасига қарши сафарда ўтказган эди. Ўшанда жамоамиз Нўъмон Ҳасановнинг пенальтидан урган голи эвазига ғалаба қозонганди.

Ҳавола :

Манба : championat.asia

Янгиликларни Телеграмда ўқинг!

Рейтинг: +3